ایک اور اتحادی کی تحریک انصاف کو چھوڑنے کی خبر زبان زد عام ہو گئی، حقیقت سامنے آگئی

ایک اور اتحادی کی تحریک انصاف کو چھوڑنے کی خبر زبان زد عام ہو گئی۔

 

 

 

اسلام آباد ( اعتماد ٹی وی) حکومت مخالف متحدہ اپوزیشن نے تحریک عدم اعتماد کو کامیاب بنانے کے لئے دیگر جماعتوں کو تو ساتھ ملایا ہی تھا لیکن انھوں نے حکومتی جماعت کے اراکین کو بھی خریدنا شروع کر دیا جس کی وجہ سے بہت سے اراکین پاکستان تحریک انصاف کے موجودہ رکن ہونے کے باوجود مخالف اپوزیشن سے مل کر وزیراعظم کے خلاف ووٹنگ پر رضا مند ہو گئے۔

 

 

لیکن تحریک عدم اعتماد کا حال تو سب نے دیکھ لیا پھر بھی پاکستان تحریک انصاف کے کارکنا ن کی پارٹی چھوڑنے کی خبریں گردش کر رہی ہیں جس پر سابق وزیر جیل خانہ جات فیاض الحسن چوہان نے اپنی خاموشی توڑ دی اور میڈیا سے براہ راست مخاطب ہو کر کہا کہ میں کسی اور جماعت میں شمولیت اختیار نہیں کر رہا ۔

 

 

انھوں نے کہا کہ میرے نام کو شامل کر کے جو سوشل میڈیا پر ٹرولنگ کی جا رہی ہے کہ میں پیپلز پارٹی میں شامل ہونے لگا ہوں یہ سراسر جھوٹ ہے۔ میں عمران خان کا اتحادی ہوں اور ان کی دل سے حمایت کرتا ہوں۔ اس حوالے سے انھوں نے اپنے سوشل میڈیا اکاؤنٹ پر ایک شاعرانہ ٹوئٹ کیا ہے ۔

 

 

جس میں لکھا ہے کہ : جو بھی ہو عمران خان کے سنگ ہو سب ہمیں پسند ہے خوں ہو کہ رنگ ہو۔

 

 

مزید کہا کہ اس خبر میں کوئی صداقت نہیں ہے یہ بس بدگمانی پھیلانے کا ایک ہتھکنڈا ہے میں کل بھی اپنے لیڈر عمران خان کے ساتھ کھڑا تھا اور آئندہ بھی ا ن کے ساتھ کھڑا رہوں گا ۔