اسلام آباد ( اعتماد ٹی وی ) صدر مملکت ڈاکٹر عارف علوی نے گزشتہ روز وزیراعظم کی درخواست پر قومی اسمبلی تحلیل کر دی تھی ۔ جس کے بعد سے وزیراعظم عمران خان کی حکومت ختم ہو گئی اور وہ سابق وزیراعظم بن گئے ۔
آج صدر مملکت کی جانب سے سابق وزیراعظم عمران خان اور اپوزیشن لیڈر شہباز شریف کو خط بھجوایا گیا۔
جس میں وزیراعظم کی نشست پر دونوں جانب سے نام دئیے جائیں۔ یہ نام صدر مملکت ، وزیراعظم اور اپوزیشن لیڈر باقاعدہ باہمی مشاورت سے دیں گے۔ پاکستان کے آئین کے مطابق قومی اسمبلی تحلیل ہونے پر صدر کا فرض ہے کہ وہ نگران کابینہ مقرر کرے۔
اس کے صدر سابق وزیراعظم اور اپوزیشن لیڈر سے باہم مشاورت کر کے نگران وزیراعظم کو تقرر کرے گا۔ اگر قائد حزب اختلاف اور وزیراعظم کے مابین کسی ایک نام پر اتفاق نہیں ہوا تو پھر اسمبلی تحلیل ہونے کے بعد تین دن کے اند ر دونوں جانب سے تین نام کمیٹی کو بھجوائے جائیں گے جس پر ووٹنگ ہو گی ۔
اگر ووٹنگ سے بھی فیصلہ نہ ہوا تو پھر الیکشن کمیشن 2 روز میں نگران وزیراعظم کی تعینا تی کر ے گا۔
نگران وزیراعظم کی تقرری تک آرٹیکل 224 اے کے مطابق عمران خان وزیراعظم کے فرائض جاری رکھیں گے اور آٹھ رکنی کمیٹی تین روز میں نگران وزیراعظم کی تقرری کا فیصلہ کرے گی اگر کمیٹی کامیاب نہ ہوئی تو الیکشن کمیشن دو روز میں فیصلہ دے گا۔
