پنجاب میں تقرر تبادلے کا تعلق فرخ خان سے ہے؟ وزیر اعلٰی آفس بھی میدان میں آگیا، سارا معاملہ بتا دیا ۔۔

علیم خان کے خلاف قانونی چارہ جوئی کا حق محفوظ ہے۔ ترجمان وزیراعلیٰ آفس پنجاب

 

 

لاہور (اعتماد ٹی وی) علیم خان نے گزشتہ روز پریس کانفرس کر کے پاکستان تحریک انصاف کے صدر عمران خان اور پنجاب کے وزیرا علیٰ عثمان بزدار پر الزامات لگائے اور کہا کہ پنجاب میں عثمان بزدار نے کرپشن کے نئے ریکارڈ بنائے ہیں۔

 

 

کسی بھی جاب کو 3 کروڑ سے نیچے نہیں دیا گیا اور فرح بی بی اس حوالے سے پیسے جمع کر تی تھیں۔
علیم خان کے اتنے کھلے بیانات پر وزیراعلیٰ پنجاب آفس کے ترجمان کی طرف سے رد عمل آ گیا ہے۔ انھوں نے کہا ہے کہ علیم خا ن کے بیانات میں کوئی صداقت نہیں ۔

 

 

پنجا ب میں تقرر اور تبادلے قیمتوں پر نہیں ہوتے بلکہ میرٹ پر کئے جاتے ہیں۔اور فرح خان کا ان سے کوئی تعلق نہیں۔

 

 

انھوں نے کہا کہ علیم خان کو منہ کی کھانی پڑی ہے اس لئے اب وہ عوام کی توجہ حاصل کر نے لئے حکومت پر بے بنیاد و گھٹیا الزامات لگا رہے ہیں۔

 

 

انھیں شرم آنی چاہیے، خرید و فروخت میں جن لوگوں کا کردار ہے وہ سب عوام کے سامنے آ گیا ہے۔ عوام کو سب پتہ چل چکا ہے ۔ سابق وزیراعلیٰ پر جو الزامات لگائے گئے اس کے حوالے سے قانونی چارہ جوئی کا حق محفوظ رکھتے ہیں اور اس کا فیصلہ بھی جلد کریں گے۔