اسلام آباد ( اعتماد ٹی وی) حکومت کی طرف سے ڈپٹی اسپیکر کی طرف سے رولنگ دی گئی، جس پر سپریم کورٹ نے از خود نوٹس لیا، جس کے بعد آج سپریم کورٹ نے اس کی پانچ دن کی سماعت کے بعد فیصلہ کیا۔
تفصیلات کے مطابق، ساڑھے ساتھ بجے کا فیصلہ سنانے کا وقت دیا گیا تھا لیکن فیصلہ آٹھ بج کر 27 منٹ پر سننا شروع کیا۔ فیصلے میں بتایا گیا کہ الیکشن انعقاد کے بارے میں الیکشن کمیشن کرے گا، جبکہ الیکشن کمیشن نے کہا کہ وہ الیکشن کروانے کے لئے تیار ہے لیکن حلقہ بندیاں نہیں ہو ہوسکی۔
چیف جسٹس نے پوچھا کہ حلقہ بندیاں کسی ایک شہر کی کرنی یا پورے ملک کی کرنے ہے؟ چیف الیکشن کمشنر نے کہا کہ پورے ملک کی حلقہ بندیاں ہونی ہے جس کے لئے 6 سے 7 ماہ کا وقت درکار ہے۔
ڈپٹی اسپیکر کی رولنگ مسترد کر دی گئی ہے، اسمبلی تحلیل کرنا بھی غلط قرار اور تحریک عدم اعتماد برقرار رکھی گئی ہے۔ اس طرح وفاقی کابینہ بھی برقرار کر دی گئی ہے۔
چیف جسٹس نے دوران سماعت کے کہا کہ وہ بطور عام پاکستان کے شہری مضبوط حکومت چاہتے ہیں۔ انہوں نے کہا کہ ڈالر 190 روپے تک ہوگیا ہے، پاکستان اسٹاک ایکسینج بھی نقصان میں جا رہی ہے۔
فیصلے سے پہلے، مشہور وکیل فاروق ایچ نائیک نے سپریم کورٹ سے باہر میڈیا سے بات کی جس میں انہوں نے کہا کہ انہیں لگتا ہے سپریم کورٹ ڈپٹی اسپیکر کی رولنگ کو غلط قرار دے دی گی اور الیکشن کی طرف جائے گی۔
دوران سماعت، اٹارنی جنرل پاکستان نے ڈپٹی اسپیکر کے رولنگ کا دفاع کرنے سے معذرت کر لی تھی۔
