“عوام اپنے لیڈر کے ساتھ ہے اور اسی عوام کی بدولت ایسی 12 جماعتوں کو اٹھا کر باہر پھینک دیں” پی ٹی آئی کے رہنماؤں کا بڑا دعوی

عمران خان کو جھکانا کسی کے بس کی بات نہیں ۔

 

اسلام آباد ( اعتماد ٹی وی ) پاکستان کے وزیراعظم عمران خان کی کال پر پاکستان تحریک انصاف کے سہراب گوٹھ میں ہونے والے احتجاجی مظاہرے میں پاکستان تحریک انصاف کے ارکان اسمبلی حلیم عادل شیخ ، راجہ اظہر و دیگر عہدیداران نے عوام سے خطاب کے دوران کہا کہ عمران خان چند لوگوں کا نہیں بلکہ 22 کروڑ عوام کا وزیرا عظم ہے ۔

 

 

او ر بائیس کروڑ کی عوام کے دلوں پر راج کرنےو الے کو یہ لوگ جھکا لیں گے ایسا ممکن نہیں ہے۔ حلیم عادل شیخ نے کہا کہ سندھ ہاوس میں جو ہارس ٹریڈنگ ہوئی اس کے ذریعے حکومت کو گرانے کی سازش کی گئی ہے اس طرح ضمیر خریدنے والوں کا بروکر ہی کہا جائے گا۔

 

 

تحریک انصاف کے رہنما کا کہنا ہے کہ یہ لوگ پاکستان کے دشمن ہیں اور دشمنی نبھانے کے لئے کرائے پر بھی دستیاب ہو جاتے ہیں۔ عمران خان جب عوام میں ہوتا ہے تو مزید مضبوط ہو جاتا ہے۔آج عمران خان کے خلا ف سب اکھٹے ہوئے ہیں اور کھل کر اپنی اصلیت ظاہر کر گئے ہیں۔

 

عوا م اپنے لیڈر کے ساتھ ہے اور اسی عوام کی بدولت ایسی 12 جماعتوں کو اٹھا کر باہر پھینک دیں گے۔ مزید کہا کہ جو اصل خط ہے وہ تو ابھی کھولا ہی نہیں گیا ۔ اس خط میں سب کے نام ہیں جو غیر ملکی سازش کا حصہ بنے ہیں اور غیر ملکی سازش کے خط پر عدالتی کمیشن بنایا جائے۔