اپوزیشن لیڈر نے اسپیکر قومی اسمبلی کو کھری کھری سنا دی، اجلاس موخر، معامہ اور طرف ہہ چل پڑا کھری سنا دی،

سپریم کورٹ فیصلہ حق میں آتے ہی متحدہ اپوزیشن اسپیکر کو آنکھیں دکھانے لگی۔

اسلام آباد (اعتماد ٹی وی) تحریک عدم اعتماد کے حوالے سے سپریم کو رٹ کا فیصلہ کیا حق میں آگیا متحدہ اپوزیشن نے سمجھ لیا کہ جیت ان کی ہو گئی اس جیت کے تکبر میں انھوں نے آج قومی اسمبلی کے اجلاس میں اسپیکر کو ہی آنکھیں دکھانی شروع کر دی ۔ شہباز شریف قائد حزب اختلاف نے قومی اسمبلی کے اجلاس میں تقریر کی ۔

تقریر کے آغاز میں انھوں نے سپریم کورٹ کے فیصلے کا حوالہ دیتے ہوئے اسپیکر کو اپنا کردار بنھانے کا کہا ۔ انھوں نے کہا کہ یہ قوم کی محنت کا نتیجہ ہے کہ آج آئین بحال ہوا ہے اور کسی نظریہ ضرورت کے تحت ملک کے مستقبل کو داؤ پر نہیں لگایا گیا۔

آج پارلیمنٹ کا اجلاس ایک نئی تاریخ رقم کرے گا۔ جس کے بعد سلیکٹڈ وزیراعظم کو شکست ہو گی۔

شہباز شریف نے اپنی تقریر میں دبے الفاظ میں اسپیکر کو یہ یاد دہانی کروائی کہ آج کا اجلاس سپریم کورٹ کے فیصلے کے نتیجے میں ہو رہا ہے اور اسپیکر اپنی مرضی سے کچھ نہیں کر سکتا ۔

عدالت کے فیصلے پر سرجھکا کر اپنا کردار صحیح طرح نبھائیں۔اور منتخب وزیراعظم کی ہدایات پر عمل نہ کریں۔

اس اسپیکر قومی اسمبلی نے جواب دیا کہ میں نے سپریم کورٹ کا فیصلہ پڑھ لیا ہے اور اس کے مطابق آج اجلاس بلا لیا گیا ہے باقی کی کاروائی بھی فیصلے کے مطابق ہو گی۔

لیکن میں جو بیرون ملک سازش کے ثبوت کے حوالے سے بات چل رہی ہے میں چاہتا ہوں اس پر بھی بات ہو۔ جس پر شہباز شریف نے واضح انداز میں ناگواری کا اظہار کرتے ہوئے اسپیکر کو کہا کہ وہ سپریم کورٹ کی حکم عدولی کر رہے ہیں۔

اور اس کے بعد شہباز شریف پھٹ پڑے اور حکومت کو نشانہ بناتے ہوئے کہا کہ اگر غیر ملکی سازش کی ہی بات ہے تو پھر اس طرح سب کے راز فاش ہو نگے 2014 میں جب عمران خان کے دھرنے کی وجہ سے چینی صدر کا دورہ ملتوی ہوا۔

اپنی حکومت میں آپ امریکی صدر ڈونلڈ ٹرمپ کو مل کر آئیں تووہ ورلڈ کپ جیتنے کے مترادف اور نواز شریف ملک کے وقار کی خاطر پانچ ارب ڈالر لینے سے انکار کرتے ہیں تو آپ اس کو ڈرامہ کہتے ہیں۔

اس کے بعد بھی شہباز شریف نے سپریم کورٹ کا فیصلہ پڑھ کر ایوان کو سنایا اور کہا کہ جو سپریم کورٹ نے کہا ہے آپ کو وہی کرنا ہو گا۔