چوہدری شجاعت کا بڑا دعوی، اپوزیشن کی نیندیں اڑ گئی

پنجاب میں وزارت اعلیٰ کے حوالے سے مسلم لیگ ق پراعتماد۔

 

 

لاہور (اعتماد ٹی وی) پنجاب میں وزیراعلیٰ پنجاب کے عہدے کے لئے مسلم لیگ ن کی جانب سے حمزہ شہباز شریف نامز د کئے گئے ہیں اور مسلم لیگ ق کی جانب سے چوہدری پرویز الٰہی کو نامز د کیا جائے گا ۔

 

 

 

اس حوالے سے جوڑ تو ڑ کا عمل بہت عرصے سے جاری ہے ۔ لیکن حکومتی اراکین کے منحرف افراد کی وجہ سے حکومت کو اس وقت مشکل دور دیکھنا پڑا۔

 

 

 

آج گورنر پنجاب عمر سرفراز چیمہ نے مسلم لیگ ق کے سربراہ چوہدری شجاعت حسین سے ملاقات کی اور ان کی عیادت کے لئےا ن کو ایک گلدستہ بھی پیش کیا ۔

 

 

 

اس موقع پر چوہدری پرویز الٰہی بھی موجود تھے۔ ملاقات کے دوران موجودہ سیاسی صورتحال کو بھی زیر بحث لایا گیا اور وزیراعلیٰ پنجاب کے تقرر کے حوالے سے بات کی گئی۔

 

 

چوہدری شجاعت حسین نے بتایا کہ ہمارے ممبران کی تعداد اللہ تعالیٰ کے کرم سے پوری ہے۔ انشااللہ فتح ہماری ہو گی ۔ وزیراعلیٰ کے امیدوار چوہدری پرویز الٰہی نے کہا کہ ہمارے ناراض اراکین سمیت سب سے رابطے ہیں جلداز جلد سب متحد ہو جائیں گے اور کامیابی حاصل کریں گے۔