شاہد آفریدی نے بھی عمران خان کا ساتھ چھوڑ دیا، تنقید بھی ایسی کی کہ۔۔

شاہد آفریدی نے عمران خان کے اقتدار سے جانے پر اظہار خیال کر دیا۔

 

 

 

لاہور (اعتماد ٹی وی) پا کستان کرکٹ ٹیم کے مشہور کھلاڑی اور سیاست میں ابھرتے ہوئے شاہد آفریدی نے بھی سابقہ وزیراعظم کے اقتدار چھوڑنے پر اظہار خیال کر دیا۔

 

 

شاہد آفریدی کا کہنا ہے کہ جب وقت رخصت آ جائے تو پھر یہ نہیں دیکھنا چاہیے کہ آپ حق پر ہیں یا نہیں۔ آپ خواہ کتنے ہی غمزدہ کیوں نہ ہو ں لیکن آپ کو رخصت ہمیشہ باوقار انداز میں کرنی چاہیے۔

 

 

 

آپ پر خواہ کتنے ہی الزامات لگائے جائیں یا آ پ کے خلاف سازشیں کی جائیں۔ یہاں تک کہ آپ کو شکست کا سامنا ہی کیوں نہ ہو۔

 

 

آپ کو اس سب کے لئے تیار رہنا چاہیے۔ یہ سب بھی اقتدار کا ہی حصہ ہے۔ تاریخ ہمیشہ وہی لوگ رقم کرتے ہیں جو دل کو فراخ رکھتے ہوئے ہر طرح کے حالات کے لئے تیار رہتے ہیں۔

 

 

 

تاریخ کے صفحات میں بالآخر بات اخلاقی معیار اور جمہوریت و آئین کی بالادستی پر ہی لکھی جات ہے۔ اسی حسن کو میزان پر تولا جاتا ہے اور انسان کا کردار ہمیشہ کے لئے بلندی پر فائز ہو جاتا ہے۔

 

 

 

اس کے ساتھ ساتھ شاہد آفریدی نے شہباز شریف کو پاکستان کے تئیسویں وزیراعظم منتخب ہونے پر مبارکباد بھی دی۔