سبحان اللہ! جسے اللہ ہدایت دے، کوریا کے مشہور گلوکار نے اسلام قبول کر کے عمرہ کی سعادت بھی حاصل کر لی

جنوبی کوریا کے کمر عمر گلوکار نے اسلام قبول کرکے عمرے کی سعادت حاصل کر لی۔

 

 

جنوبی کوریا کے پاپ گلو کار و یوٹیوبر جے کم نے اسلام قبول کر لیا ۔قبول اسلام سے قبل ان کا نام جے کم تھا جس کو اسلام قبول کرنے کے بعد انھوں نے داؤد کم میں تبدیل کر لیا۔داؤد کم نے 2019 میں اسلام قبول کرنے کے بعد اس کا اعلان کیا ۔ اور اپنے تمام شائقین کو حیران کر دیا۔

 

 

2020 ،21 ، میں کورونا وباء کی وجہ سے عمرہ پر پابندی عائد تھی اس لئے 2022 میں جیسے ہی عمرہ کے حوالے سے پابندیاں ختم ہوئی انھوں نے عمرہ کی سعادت حاصل کر لی ۔ اور انھوں نے اپنے مداحوں کے لئے مکہ مکرمہ کی تصاویر بھی اپنے سوشل میڈیا اکاؤنٹ کے ذریعے جاری کی ۔

 

 

 

انھوں نے اپنی خوشی کا اظہار کرتے ہوئے تصاویر کے ساتھ پیغام بھی لکھا کہ میں اس دنیا کا خوش قسمت ترین انسان ہوں کہ اللہ تعالیٰ نے مجھے منتخب کیا اور وہی مجھے آج یہاں اس مقام پر لے کر آئے کہ میں نے عمرہ کی سعادت حاصل کی۔

 

 

انھوں نے کہا کہ میں اللہ تعالیٰ کا جتنا شکر ادا کروں اتنا کم ہے کہ اللہ نے مجھے اپنے گھر کی زیارت کو موقع دیا۔

 

 

اس کے ساتھ ساتھ داؤد کم نے کہا کہ میری دعا ہے اللہ تعالیٰ تمام لوگوں کے گناہ معاف فرمائی اور ہماری سب کی دعاؤں کو قبولیت کا درجہ دے ۔ آمین، رمضان مبارک۔