“عمران خان نے حالات کے مقابل بزدلی دکھائی اور اپنی پوری پارٹی لے کر بھا گ گئے” راجہ ریاض کی پی ٹی آئی پر شدید تنقید

پاکستان تحریک انصاف کے منحرف اراکین نے عمران خان کو بھگوڑا قرار دےد یا۔

 

پشاور (اعتماد ٹی وی) پاکستان تحریک انصاف کے منحرف اراکین نے متحدہ اپوزیشن کا ساتھ دے کر پارٹی کے ساتھ ناانصافی کی جس پر پاکستان تحریک انصاف کی جانب سے ان اراکین کی تاحیات نااہلی کا مقدمہ درج کروایا گیا۔

 

 

جس پر منحرف اراکین کو لوٹا کہلانا شروع کر دیا گیا۔ پاکستان تحریک انصاف کے پشاور جلسے میں ایک لوٹے کو ڈرون کے ذریعے اُڑا کر ان اراکین کو مذا ق بھی بنایا گیا۔

 

جس پر منحرف اراکین کی جانب سے بھی ردعمل ظاہر کر دیا گیا ہے۔ پاکستان تحریک انصاف کے منحرف رکن راجہ ریاض نے کہا کہ ہمیں لوٹا کہنے والے خود لوٹا ہیں۔

 

 

راجہ ریاض کا کہنا ہے کہ وہ اسمبلی کی رکنیت سے مستعفی نہیں ہونگے اور ایوان میں رہ کر بھرپور کام کر یں گے۔

 

راجہ ریاض کے مطابق انھیں موجودہ حکومت سے جو اُمیدیں ہیں وہ لازماً پوری ہونگی ۔ اور عمران خان مجھ پر انگلی اُٹھانے سے پہلے اپنے کردار کو دیکھیں وہ کیا کر رہے ہیں۔ عمران خان کی پارٹی میں صرف ایک ہی لوٹا موجود ہے اور وہ عمران خان خؤد ہے۔

 

 

عمران خان نے حالات کے مقابل بزدلی دکھائی اور اپنی پوری پارٹی لے کر بھا گ گئے۔

 

 

راجہ ریاض نے عمران خان کو بھگوڑا قرار دیا اور کہا کہ پاکستان تحریک انصاف کے جو رُکن قومی اسمبلی میں موجو د ہیں بس پارٹی انھی کی ہے باقی تو بھگوڑے تھے جو مستعفی ہو کر بھاگ گئے۔