پنجاب پولیس کا اسپیکر پنجاب اسمبلی چوہدھری پرویز الٰہی کا مقدمہ درج کرنے پر انکار، پولیس نے اپنا مؤقف دے دیا

پنجاب پولیس کا اسپیکر پنجاب اسمبلی چوہدھری پرویز الٰہی کا مقدمہ درج کرنے سے انکار۔

 

 

 

لاہور (اعتماد ٹی وی) ذرائع کے مطابق گزشتہ روز وزیراعلیٰ پنجاب کے عہدے کے لئے پنجاب اسمبلی جمع ہوئے کارکنان کی جانب سے ڈپٹی اسپیکر کے خلاف ہنگامہ آرائی ہوئی جس نے بڑھتے بڑھتے اسپیکر پنجاب اسمبلی کو بھی اپنی لپیٹ میں لے لیا۔

 

 

 

ڈپٹی اسپیکر دوست مزاری نے ملوث افراد کے خلاف مقدمہ درج کروا دیا ہے۔ جس میں سرکاری امور میں مداخلت کے ساتھ ساتھ اور بھی بہت سی دفعات کو شامل کیا گیا ہے۔

 

 

جبکہ اسی اسمبلی میں اسپیکر چوہدری پرویز الٰہی پر بھی زور آزمائی کی گئی۔ لیکن چوہدری پرویز الٰہی جب مقدمہ درج کروانے بذات خود تھانہ قلعہ گجر سنگھ گئے تو پولیس نے میڈیکل کرانے کا بہانہ بنا دیا۔

 

 

اور اسپیکر پنجاب اسمبلی کو میڈیکل کرانے کا لیٹر بھی جاری کردیا۔ جس کے مطابق چوہدری پرویز الٰہی جب تک میڈیکل رپورٹس نہیں لائیں گے مقدمہ درج نہیں کیا جائے گا اور مزید کوئی کاروائی بھی نہیں کی جائے گی۔

 

 

چوہدری پرویز الٰہی نے مقدمہ کی جو درخواست دی اس میں وزیر اعلیٰ پنجاب حمزہ شہباز شریف کے ساتھ ساتھ رانا مشہود، مجتبیٰ شجاع الرحمٰن ، سلمان رفیق، افضل کھوکھر ، آئی جی پولیس پنجاب اور چیف سیکرٹری پنجاب کے نام شامل ہیں۔