سابق ڈپٹی اسپیکر نے رولنگ کی اصل وجہ سب کو بتا کر حیران کر دیا۔

سابق ڈپٹی اسپیکر نے رولنگ کی اصل وجہ سب کو بتا کر حیران کر دیا۔

 

 

 

لاہور (اعتماد ٹی وی) پاکستان تحریک انصاف کے رہنما و سابق ڈپٹی اسپیکر نے لاہور جلسے میں سب کو بتا دیا کہ رولنگ کی ضرورت کیوں پڑی ۔

 

 

کیا وجہ تھی جس کے لئے میں نے رولنگ دینے کا فیصلہ کیا ۔ قاسم سوری نے بتایا کہ میں ایک پاکستانی ہوں اور پاکستان سے محبت کرتا ہوں یہ میری وطن سے محبت ہی تھی کہ میں نے ایسا قدم اُٹھایا۔

 

 

7 مارچ کو مجھے مراسلہ دکھایا گیا ۔ میں نے خود اپنی آنکھوں سے پڑھا تھا۔ اس میں بڑے تکبر انہ انداز میں پا کستان کو دھمکی دی گئی تھی۔ یہ بات مجھے دھمکی دینے کی نہیں تھی کہ نظر انداز کر دی جاتی ۔

 

 

یہ ملک کی بقاء کا سوال تھااور ملک کی بقاء پر جان بھی قربان ہے۔ ساری بات پاکستان کی آزادی اور خودمختاری کی تھی ۔ اس لئے مجھے رولنگ دینا صحیح لگا میں نے دے کر اپنا فرض ادا کیا۔

 

 

قاسم سوری نے کہا کہ اس سلسلے میں عدلیہ پر سوال اُٹھائے جارہے ہیں۔ عدالت نے اپنے لحاظ سے صحیح فیصلہ دیا ہے۔ ہمیں عدلیہ سے کوئی شکوہ نہیں لیکن میں آج جلسے میں موجود افراد سے سوال کرتا ہوں کہ اگر آپ لوگ میری جگہ ہوتے اور ملکی وقار و آزادی کی بات آتی تو آپ کس کو چنتے؟

 

 

ہمارے لیڈر نے دنیا کو بتایا کہ پاکستان گونگا نہیں ہے کہ آپ اس کی زبان بنیں یا لنگڑا نہیں ہے کہ آپ اس کو بیساکھیاں دیں۔ آزاد جمہوری ملک ہے اور بہت سی قربانیوں کے بعد حاصل ہوا ہے۔ ہم تمام ممالک سے برابری کے تعلقات کے خواہاں ہیں۔