احسن خان کا اپنے مداحوں کو بڑا سرپرائز، عوام شدت سے منتظر

احسن خان ایک بار پھر بڑی اور چھوٹی سکرین پر ایک ساتھ نظر آئیں گے۔

 

لاہور ( اعتماد ٹی وی) پاکستان ڈرامہ و فلم انڈسٹری کے مایہ ناز اداکار احسن خان کافی عرصے سے روپوش تھے۔نہ تو کسی ڈرامے میں نظر آ رہے تھے اور نہ ہی کسی فلم میں۔ لیکن اس عید پر احسن نے اپنے مداحوں کو بڑا سرپرائز دیا ہے۔ جیو ٹیلی ویژن پر ان کے آنے والے ڈرامے کا پہلا ٹیزر جاری کیا گیا ہے ۔ جس میں وہ حبا بخاری کے ساتھ نظر آئیں گے ۔ اس ڈرامے میں پشتون ثقافت کو دکھایا گیا ہے۔

 

اس کے علاوہ احسن خان کا ایک ڈرامہ اے آر وائی ڈیجیٹل پر شروع ہو رہا ہے جس کا نام فراڈ ہے ا س ڈرامے میں احسن خان صباء قمر کے ساتھ نظرآئیں گے اور اس ڈرامے میں میکال ذوالفقار بھی اہم کردار نظر آئیں گے۔ ڈرامے کے ٹیزر کے ریلیز ہوتے ہی عوام میں بہت مقبول ہو گیا ہے۔ مداح بہت بے تابی سےا س ڈرامے کا بھی انتظار کر رہے ہیں۔

 

تیسرا سرپرائز احسن نے بڑی سکرین کی شکل میں دیا ہے۔ احسن کی فلم عیدالفطر پر ریلیز ہو رہی ہے جس میں وہ عائشہ خان کے ساتھ اداکاری کرتے نظر آئیں گے۔ ان کی فلم کا نام رہبر ہے۔