سٹیٹ بنک آف پاکستان نے عوام کی سہولت کے لئے بینکوں کے لئے اہم ہدایات جاری کر دی ۔

سٹیٹ بنک آف پاکستان نے بینکوں کے لئے نئی ہدایات جاری کردی

پاکستان سمیت دنیا بھر میں مسلم ممالک عید الفطر کی تیاری زوروں پر ہے ۔ اس حوالے سے سرکاری و نجی اداروں میں تعطیلات کے حوالے سے نوٹیفکیشن جاری کر دئیے گئے ہیں سرکاری سطح پر 2 مئی سے 5 مئی تک چھٹیوں کا اعلان کیا گیا ہے جبکہ نجی اداروں میں 3 روز کی تعطیلات کا اعلان کیا گیا ہے۔

 

اس حوالے سے سٹیٹ بینک آف پاکستان نے بھی بینکوں کو ہدایات جاری کردی ہیں۔ سٹیٹ بینک کی جانب سے کہا گیا ہے کہ رواں ہفتے میں بینک اپنی ہفتہ وار چھٹی منسوخ کر یں اور ہفتے کے روز 30 اپریل 2022 کو بھی بینک معمول کے مطابق کھلے رہیں گے۔

 

اس کے ساتھ ساتھ سٹیٹ بینک نے تمام بینکوں کو ہدایات دی ہیں کہ عید کی تعطیلات کے دوران تمام بینک اس بات کو یقینی بنائیں کے اے ٹی ایم مشینیں ، موبائل بینکنگ اور انٹر نیٹ بینکنگ مکمل طور پر کام کر رہی ہیں۔ کسی بھی قسم کی غلطی کو برداشت نہیں کیا جائے گا۔ کیونکہ تہواروں پر بینک کی چھٹیاں ہوتی ہیں اور رقم کی تمام تر ترسیل آن لائن بینکنگ کے ساتھ ساتھ اے ٹی ایم مشینز کے ذریعے ہوتی ہے۔