جس حساب سے عدالت نون لیگ کی حمایت کر رہی ہے لگتا ہے رینکنگ میں آخری نمبر پر جانا چاہتی ہے، فواد چوہدری کی تنقید

جس حساب سے عدالت نون لیگ کی حمایت کر رہی ہے لگتا ہے رینکنگ میں آخری نمبر پر جانا چاہتی ہے ۔فواد چوہدری
لاہور (اعتماد ٹی وی) گورنر ہاؤس میں وزیراعلیٰ پنجاب کی حلف برداری کی نجی تقریب کو لے کر پاکستان تحریک انصاف کے رکن نے ٹوئٹ کر دیا اور کہا کہ پاکستان میں مذاق ہو رہا ہے۔ ایک وزیراعلیٰ کی موجودگی میں دوسرے کا حلف لینا مذاق نہیں تو اور کیا ہے۔

 

مسلم لیگ ن نے خود کہا عثمان بزدار کا استعفیٰ غیر آئینی ہے آج جب یہی بات گورنر نے کہی تو ان کو سانپ سونگھ گیا ہے۔ فواد چوہدری نے کہا کہ حمزہ شہباز کا حلف ختم کیا جائے نہیں تو حالات کشیدہ ہو جائیں گے۔ ہم نے عدالت کے فیصلے کے خلاف انٹرا کورٹ میں اپیل کی تو جج صاحب نے حلف لینے کے بعد سماعت کی۔

 

 

کہیں پاکستان کی عدالتیں چوبیس گھنٹے کھلی رہتی ہیں اور کسی کے لئے اوقات کار میں بھی نہیں سماعت کی جاتی ۔ کھلی نا انصافی ہے۔ جو لوگ قصوروار ہیں ان کے لئے عدالت چوبیس گھنٹے کی سروس دے رہی ہے۔ عدلیہ کا یہی طریقہ رہا تو پھر رینکنگ میں آخری نمبر پر آجائیں گے۔