شوگر کے مریض گرمیوں میں اپنی شوگر کو کیسے قابو میں رکھ سکتے ہیں، آسان ترین طریقہ۔۔

شوگر کے مریض گرمیوں میں اپنی شوگر کو کیسے قابو میں رکھ سکتے ہیں ۔

لاہور (اعتماد ٹی وی) موٹاپے کے بعد پاکستان کا سب سے بڑا مسئلہ شوگر کا ہے بنیادی طور پر یہ بھی موٹاپے کی وجہ سے ہی ہوتی ہے۔ گرمیوں میں چونکہ دن لمبے ہوتے ہیں اور درجہ حرارت زیادہ ہونے کی وجہ سے نمی کا تناسب کم ہو جاتا ہے ایسا موسم شوگر والے افراد پر منفی اثرات ڈالتا ہے۔

 

 

موسم گرما میں اگر افراد اپنے آپ کو ڈی ہائیڈریٹ ہونے سے بچانا چاہتے ہیں تو پھر وہ نشاستہ دار اور زیادہ فائبر والی غذاؤں سے پرہیز کریں۔ اس طرح شوگر کے مرض میں مبتلا افراد بھی صحت مند رہ سکتے ہیں۔ پانی کی مناسب مقدار استعمال کرنے کے ساتھ ساتھ ٹھنڈے مشروبات کا استعمال کریں جیسے کہ ناریل پانی ، کھیرے کا جوس وغیرہ۔

اس کے علاوہ گرمیوں میں سلاد استعمال کیا جا سکتا ہے۔ ماہرین نے شوگر کے مریضوں کے لئے سبزیوں اور مشروبات کی فہرست جاری کی ہے۔ جو ان کو صحت مند رہنے میں مدد دے گی۔

جیسے کہ شوگر فری لیمن پانی، تازہ پھلوں کا جوس، ہربل چائے، ناریل پانی، سبز یا کالی چائے بغیر چینی کےاور کھیرے کا جوس وغیرہ ان سے انسانی جسم ڈی ہائیڈریٹ نہیں ہوگا۔ پانی ہاضمے میں مدد کرتا ہے اور جسم سے فضلہ کو نکالتا ہے۔ پانی کی کمی سے جسمانی صلاحیت کے ساتھ ساتھ دماغ کے کام کرنے میں بھی کمی کا سامنا ہو تا ہے۔

 

 

سبزیوں میں بروکلی، چقندر، پھیلیاں، گوبھی اور پالک کا استعمال کریں اس سے آپ اپنی شوگر کو منظم رکھے سکتے ہیں۔ ان سبزیوں کے استعمال سے بلڈ کی شوگر کا لیول بھی قابو میں رہتا ہے۔ پھلوں میں ناشپاتی، بلیک بیریز، نارنجی، اسٹرابیری، بلیو بیریز، آڑو اور بیر وغیر ہ کا استعمال کریں اس سے خون میں گلوکوز کا لیول تیزی سے نہیں پڑھتا اور بھوک کم لگتی ہے۔