انسانوں کے بعد اب جانوروں کو بھی موبائل فون کی لت لگ گئی ۔
دنیا جوں جوں ترقی کی جانب گامزن ہے انسان نت نئی ایجادات کرتا رہتا ہے۔ نئی ایجادات میں ٹچ موبائل کے لیٹسٹ ماڈلز بھی شامل ہیں جن میں آئے روز نئی اور ہائی پاور کی ایپلیکشنز متعارف کروائی جا رہی ہیں۔ موبائل کا استعمال جہاں انسانوں کا شوق تھا اب اس میں جانور بھی شامل ہو گئے ہیں۔
ذرائع کے مطابق شکاگو کے چڑیا گھر میں ایک گوریلا موبائل کے استعمال کا عادی ہوتا جارہا ہے۔ موبائل دیکھنے کی چاہت میں وہ اپنے ہم عمروں سے دور ہو گیا ہے وہ کسی بھی کام میں حصہ نہیں لیتا بس ایک جگہ بیٹھا لوگوں کو تکتا رہتا ہے صرف کھانے کے لئے اپنی جگہ چھوڑتا ہے۔
ماہرین کے مطابق وزیٹر نے گوریلا کے ساتھ سیلفی لے کر اس کو دکھانی شروع کی تو اس کو اس کی عادت ہو گئی اب وہ اشاروں میں ہر آنے والے سے موبائیل دکھانے کا مطالبہ کر تا ہے اگر کوئی نہ دکھائے تو بھی وہ ان کے موبائیل کو دیکھتا رہتا ہے۔
شکاگو لنکن پارک انتظامیہ نر گوریلا جس کانام ایمیئر ہے وہ سیاحوں کی سیلفیز کا عادی ہوتا جا رہا ہے۔ جس کی وجہ سے وہ اپنی عمر کے ان کاموں کو چھوڑ رہا ہے جس سے اس کی صحت بحال رہتی ہے۔ ایمیئر کی عمر سولہ برس ہے۔ اس عمر میں گوریلے اپنے گروہ کے سردار کا انتخاب کرتے ہیں۔
تاحال گوریلے کی جانب سے کوئی غلط حرکت نظر نہیں آئی لیکن اس کی فون دیکھنے کی عادت پریشان کن ہے۔ انتظامیہ نے سیاحوں سے درخواست کی ہے کہ وہ گوریلے کے ساتھ سیلفی لیتے ہیں تو اس کو سیلفی نہ دکھایا کریں۔
