پنجاب کے سیاحت کو فروغ دینے کے لئے، حکومت کا بڑا فیصلہ

لاہور کے بعد پنجاب کے مزید شہروں میں ڈبل ڈیکر سروس کا آغاز ۔

لاہور (اعتماد ٹی وی ) پنجاب حکومت نے سیاحوں کو سہولت کے لئے ڈبل ڈیکر بسسز چلائیں جس کی مدد سے سیاح تاریخی مقامات کی سیر کر کے لطف اندوز ہوتے ہیں ۔ یہ سروس لاہور اور راولپنڈی میں شروع کی گئی۔پنجاب حکومت نے سیاحوں کی آسائش کےلئے مزید چار شہروں میں اس بس سروس کا آغاز کرنے کا فیصلہ کیا ہے۔

پنجاب ٹورازم اکنامک گروتھ کے پروجیکٹ کو مدنظر رکھتےہوئے ورلڈ بینک کے اس پلان کو عملی جامہ پہنایا جا رہا ہے ۔ اس کے لئے مناسب منصوبہ بندی کر لی گئی ہے۔ اقوام متحدہ کی جانب سے جو ٹورازم پلان دیا گیا ہے اس کے مطابق ڈبل ڈیکر سروس کا آغاز کیا جائے گا۔
پہلے حصے میں ڈی جی خان ، بہاولپور ، ملتا ن او ر فیصل آباد میں تین تین بسیں چلائی جائیں گی۔

بعد میں ان کی تعداد میں اضافہ کیا جائے گا۔ راولپنڈی اور لاہور میں ان بسوں کے لئے نئے ٹرمینل اور روٹ پلان بنائے جائیں گے ۔ اس ماہ میں چین سے ان بسوں کو درآمد کیا جائے گا ۔ اور اگست 2022 تک نئی بس سروس کا آغاز کیا جائے گا ۔

مسلم لیگ ن کے رہنما سجاد خان کے مطابق پنجاب کی ترقی میں ہی پاکستان کی ترقی ہے ۔ پنجاب میں تاریخی مقامت ہیں اگر سیاحت کو بہترین بنایا جائے گا تو ہی سیاح سیاحتی مقامت کا سروے کریں گے۔ لندن ،فرانس کے بعد پاکستان ہی ایسا ملک ہے جہاں ڈبل ڈیکر سروس کا آغاز کیا جائے گا ۔