سابقہ وزیر اعظم عمران خان کی لیک ہونے والی ویڈیو نے سوشل میڈیا پر تہلکہ مچا دیا

عمران خان کی خطاب سے قبل تیاری کی ویڈیو لیک۔

اسلام آباد (اعتماد ٹی وی) پاکستان تحریک انصاف کے صدر عمران خان نے گزشتہ روز دنیا بھر سے مختلف ممالک سے خطاب کیا ۔جس کو نشر کرنے سے قبل انتظامات کی ویڈیو سوشل میڈیا پر گردش کر رہی ہے۔ یہ ویڈیو پاکستان تحریک انصاف کے خلاف افراد کے لئے دلچسپی کا باعث بن رہی ہے۔

 

 

اس ویڈیو کو دیکھنے کے بعد عوام کی جانب سے دلچسپ کمنٹس کئے جا رہے ہیں جیسا کہ ایک شخص نے کہا عمران خان سیاست چھوڑ کر اب ڈائریکٹر بن جائیں گے۔ کسی نے کہا کہ یہ عامر لیاقت کا پارٹ ٹو ہے۔ خطاب سے قبل عمران خان وہاں موجود انتظامیہ اور صحافیوں سے بات چیت کر رہے تھے۔

انھوں نے کہا کہ خطاب کے لئے لائٹنگ کا برابر انتظام ہونا چاہیے۔ اگر روشنی صحیح نہ ہو تو پھر ساری نشریات خراب ہوجاتی ہیں جیسا کہ شان کے ساتھ انٹرویو کے دوران ہوا۔ وہاں لائٹنگ اچھی نہیں تھی اس وجہ سے وہ انٹرویو اچھا نہیں لگا اور شان کے سوالات بھی بور کرنے والے تھے وہ سوالات کو بہت کھینچ رہے تھے۔ ہونا یہ چاہیے کہ کراس کوئیسچن ہوتے اس سے میٹریل زیادہ ملتا ہے۔

 

 

اس کے بعد انھوں نے دریافت کیا کہ آج کا خطاب کن کن ممالک میں نشر ہو گا اور مجھے کتنے منٹ بات کرنی ہے اس کے بعد انھوں نے اے آر وائی ٹیم کی انٹرویو کے دوران لائٹنگ کے حوالے سے بات کی کہ وہ زبردست تھی ۔ یہ تمام ویڈیو جب سوشل میڈیا پر پھیلائی گئی تو عوام نے بھرپور مزاح کیا ۔