شوہر کی قبر پر سالگرہ منانے آئی عورت قبرستان انتظامیہ کے سلوک سے غمزدہ ۔
آن لائن ( اعتماد ٹی وی) دنیا بھر سے لوگ تہواروں کے موقع پر قبرستانوں کا رُخ کرتے ہیں مسلمان عید ، محرم وغیرہ میں اپنے مرحومین کی فاتحہ خوانی کے لئے قبرستان جاتے ہیں اور دعائے مغفرت کرتے ہیں۔ ایسے عیسائی بھی اپنے تہواروں پر قبرستان جاتے ہیں۔
برطانیہ میں ایک خاتون جب اپنے شوہر کی قبر پر گئی تو وہاں موجود حالات سے غمزدہ ہوگئی ۔ بزرگ خاتون کے شوہر رائے تھامپسن کی گزشتہ برس 88 سال کی عمر میں وفات ہوئی تھی ۔ خاتون اپنے شوہر کی قبر پر سالگرہ منانے کے لئے گئی تو انھوں دیکھا کہ ان کے شوہر کی قبر پر مٹی کا پہاڑ بنایا گیا ہے۔
قبر پر موجود مٹی قریباً پانچ فٹ اونچی تھی خاتون یہ دیکھکر ششدر رہ گئی اور غمگین ہو کر گھر کو روانہ ہوگئی۔ بعد ازاں خاتون کے بیٹے نے انتظامیہ سے بات کی تو انتظامیہ نے بتایا کہ یہ کوئی انوکھی بات نہیں ہے قبرستانوں میں جب بھی نئی قبر کی کھدائی ہوتی ہے تو مٹی ساتھ والی قبر پر ڈال دی جاتی ہے۔
خاتون کے 55 سالہ بیٹے انتھونی نے اس سلسلے کو بڑھاتے ہوئے میڈیا سے بات کی اور کہا کہ ایسے حالات میں مردہ شخص کے ساتھ سخت ناانصافی کا سلوک کیا جا رہا ہے یہ بے حسی کی انتہا ہے۔ انتظامیہ کو اس بات کا خیال کرنا چاہیے۔ میری والدہ کے لئے انتہائی غم کی بات ہے کہ بیا ن کرنا بھی مشکل ہے۔
