قائداعظم یونیورسٹی کے بند ہونے کی اصل وجہ سامنے آگئی۔ یونیورسٹی کی جانب سے بڑے ایکشن کا فیصلہ

طلبہ نے ناجائز احتجاج کر کے یونیورسٹی کو بند رکھا ہے۔
پاکستان کے دارالحکومت اسلام آبا د میں کئی روز سے قائداعظم یونیورسٹی کے باہر طلبہ کا احتجاج چل رہا ہے جس کی وجہ سے یونیورسٹی کو بند رکھا گیا ہے۔ اس صورتحال سے باہر نکلنے کے لئے یونیورسٹی رجسٹرار نے اسلام آباد انتظامیہ کو خط لکھ کر حالات سے آگاہ کیا۔

 

 

رجسٹرار کا کہنا ہے کہ احتجاج میں شریک طلبہ میں سے زیادہ تر کا تعلق قائداعظم یونیورسٹی سے نہیں ہے۔ ایسے غیر متعلقہ افراد کا احتجاج میں شامل ہو کر تعلیمی ادارے کو بند رکھنا ناجائز ہے اس پر قانونی کاروائی کی جانی چاہیے۔

 

 

اس کے علاوہ انتظامیہ کی جانب سے ایسے غیر متعلقہ اور یونیورسٹی سے برخاست کئے گئے افراد کے خلاف ایف آئی آر کا مطالبہ کیا گیا ہے۔ جبکہ کچھ برخاست کئے گئے طلبہ پر پہلے سے ہی ایف آئی آر درج کروا دی گئی ہے ۔

 

 

قائداعظم یونیورسٹی کے طالب علم کئی روز سے یونیورسٹی کے سامنے سراپا احتجاج ہیں اس کی وجہ انتظامیہ کی جانب سے بلا وجہ برخاست کرنا ہے ۔ اس احتجاج کے باعث یونیورسٹی کی تمام تر تعلیمی سرگرمیاں بھی معطل ہیں۔