بیڈ روم سے خراٹوں کی آواز آتی تھی، جب پتہ چلا کہ کون ان کے کمرے میں اتنا عرصہ سویا رہا، جان کر اللہ کا شکر کیا کہ بچ گئے

آن لائن (اعتماد ٹی وی) ذرائع کے مطابق کیلیفورنیا کے ایک گھر میں افراد کو اکثر خراٹوں کی آوازیں سنائی دیتیں تھی جس کو وہ نظر انداز کر دیتے لیکن موسم سرما میں یہ آواز ہیبت ناک ہو جاتی ۔ یہ مکان کیلفورنیا میں ساؤتھ لیک ٹاہوئی میں موجود ہے ۔ اس کے مکینوں کو موسم سرما میں اس کی قسم کی آوازوں کو سنتے ہوئے گزارنا پڑا ۔ جس کو انھوں نظر انداز کرنے میں عافیت جانی۔

جب یہ آوازیں مزید تیز ہو ئی تو ریسکیو ٹیم کو بلایا گیا جنہوں نے ان آوازوں سے متعلقہ حقیقت سامنے لائی اور بتایا کہ تہہ خانے میں ایک ریچھ نے معہ خاندان ڈیڑا جما رکھا ہے کیونکہ ریچھ سردیاں سو کر گزارتے ہیں اس لئے وہ سردیوں میں کیسی کو نظر نہیں آئے اور خراٹوں کی آوازیں بھی ان کی تھیں۔

تہہ خانے میں ایک مادہ ریچھ نے اپنے چار بچوں کے ہمراہ “سرما خوابی ” یعنی ہائبر نیشن کے لئے پڑاؤ ڈالا تھا۔ جب وہ اُٹھ کر باہر آئی تو اس کے پیچھے بچے بھی باہر نکل آئے۔ تین بچے مادہ ریچھ کے اپنے تھے جب کہ ایک بچہ یتیم تھا جس کو مادہ ریچھ نے گود لے رکھا تھا ۔ ریچھوں میں یہ عمل بہت کم دیکھنے میں آتا ہے۔ ماہرین کے مطابق موسم سرما میں اس علاقے میں 100 سے 150 بھالو موسم سرما کی نیند پوری کرنے آتے ہیں یہ ان کے لئے معمول کی بات ہے۔