عالم بننا زیادہ مشکل ہے یا بیوی کی نظر میں اچھا شوہر؟ مفتی طارق کے جواب نے سب کو پیچھے چھوڑ دیا

مانے نہ مانے بیوی ہی نہ مانے عالم تو سارا مانے ہے۔مفتی طارق مسعود کا دلچسپ تبصرہ

لاہور (اعتماد ٹی وی ) میاں بیوی کا رشتہ ایسا ہے کہ ان کی نوک جھوک ہونا لازمی ہے جیسا کہ بزرگوں کا قول جہاں دو برتن ساتھ ہوں گے آواز تو آئے گی۔ میاں بیوی کے رشتے میں پیار کے ساتھ تکرار بھی بہت ہوتی ہے۔ دونو ں ایک دوسرے کی اہمیت سمجھنے کے باوجود ایک دوسرے پر تنقید و مزاح کا کوئی موقع ہاتھ جانے نہیں دیتے ۔

 

ایسا ہی مفتی طارق مسعود نے ایک سوال کے جوا ب میں کہا ۔ سوال تھا کہ عالم بننا مشکل ہے یا بیوی پر برتری ثابت کرنا مفتی صاحب نے اپنے والد کو یاد کرتے ہوئے بتا یا کہ و ہ ایک لطیفہ سناتے تھے کہ پہلے وقتوں میں ایک عالم تھے ان پر اللہ کا کرم تھا معجزات دکھاتے تھے ۔ دنیا انکے پاس منتیں پوری کروانے آتی تھی۔

 

لیکن ان کی بیوی نہیں مانتی تھی کہ وہ عالم ہیں یا کوئی مرتبہ ہے ان کےپاس۔ ان کی بیوی کہتی تھی کہ سب ڈھکوسلے ہیں ۔ عالم حیران ہوتے کہ آخر کیسے ثابت کریں انھوں نے ایک فیصلہ کیا اور بھیس بدل اپنے گھر کے صحن سے اُڑتے ہوئے گزرے بیوی نے دیکھا تو خوش ہوئی۔

 

 

اور اپنے شوہر کے گھر آتے ہی کہا کہ یہ ہوتے ہیں عالم آج گھر کے صحن سے ایک اللہ والے اُڑتے ہوئے گئے۔ عالم خوش ہو گئے اور بیگم کو کہا کہ وہ میں ہی تو تھا۔ بیگم نے فوراً جواب دیا جبھی میں کہوں ٹیڑھا کیوں اُڑ رہے ہو۔