کورونا وباء کے بعد ایک اور وباء پھیلنے کا خطرہ۔
لاہور (اعتماد ٹی وی) دنیا بھر میں کورونا وباء کی وجہ جو نقصان ہوا وہ ابھی مکمل ہوا ہی نہیں تھا کہ ایک اور خطرناک وباء پھیلنے کا اندیشہ پیدا ہو گیا۔ ذرائع کے مطابق برطانیہ کے دارلحکومت لندن میں دو ایسے افراد پائے گئے ہیں جن ایک نئی بیماری کی تشخیص ہو ئی ہے۔ یہ دونوں افراد حال ہی میں افریقی ملک نائجیریا سے سفر کرتے ہوئے انگلینڈ میں داخل ہوئے تھے۔
دونوں بیماری سے متاثرہ شخص ایک ہی گھر میں رہائش پذیر تھے۔ ان دو افراد میں سے ایک کو ہسپتال میں داخل کر کے علاج کیا جا رہا ہے جبکہ دوسرے شخص نے خود قرنطینہ کر لیا ہے۔محکمہ صحت کی جانب سے بیان جاری کیا گیا ہے کہ وائرل انفیکشن چیچک کی طرح کے ہوتے ہیں ان سے معمولی بیماری ہوتی ہےلیکن متاثرہ افراد کچھ ہی ہفتوں میں چاک و چوبند ہو جاتے ہیں۔
اس نئے وائرس کا نام منکی پاکس ہے ۔ یہ خطرناک مرض ہے اس مرض سے پہلے جانور پھر انسان متاثر ہوتے ہیں۔ ایسے ہی یہ انسانوں کے ذریعے پھیلتا چلا جاتا ہے۔ جیسے کہ کورونا وائرس پھیلا تھا۔اس بیماری میں بھی پہلے بخار ہوتا ہے پھر جسم کے تمام حصوں پر دانے نکل آتے ہیں جو بے انتہا تکلیف کا باعث بنتے ہیں۔ اس بیماری سے مریض کے صحت یا ب ہونے کا کوئی ایک وقت مقرر نہیں اور مریض کو مکمل دیکھ بھال کی ضرورت ہوتی ہے۔
