جماعت اسلامی کے سربراہ سراج الحق اپنے سر پر ٹوپی کیوں ٹیڑھی رکھتے ہیں، ایسی انکوھی وجہ کہ جان کر آپ کی آنکھوں میں بھی پانی آجائے گا

جماعت اسلامی کےسر براہ سراج الحق نے والدہ کی یاد میں کیا کیا۔

کراچی (اعتماد ٹی وی) دنیا بھر کا سب سے مقدس رشتہ ہوتی ہے ماں۔ جو اپنی جان پر تکالیف برداشت کر لیتی ہے لیکن اپنے بچوں تک اس کی ہوا تک نہیں پہنچنے دیتی۔ اللہ نے ایسا دل دیا ہے ماں کو کہ اپنی اولاد کے لئے ہر کام کر گزرنے کو تیار ہو جاتی ہے۔

 

ایسے ہی جماعت اسلامی کے سربراہ سراج الحق نے ایک انٹرویو میں ماں سے متعلق ایک واقعہ سنا یا ۔ میزبان کی جانب سے سوال کیا گیا کہ آپ ٹوپی ہمیشہ ٹیڑھی کیوں پہنتے ہیں جس پر انھوں نے جواب دیا کہ اس کے ساتھ میری ماں کی یادیں وابستہ ہیں۔

 

انھوں نے بتایا کہ بچپن میں جب میں چھوٹا تھا تو میری ماں نے مجھے سکول جانے کے لئے جگایا ۔ کیونکہ سردی کا موسم تھا اور میرے پاس پہننے کے لئے نہ اچھے کپڑے تھے نہ جوتے تو میں سکول جانے سے انکار کردیا ۔

 

میری ماں نے بار بار اصرار کیا تو میں نے انھیں کہا کہ کیا پہن کر جاؤں جوتے خراب ہیں سب میرا مذاق اُڑائیں گے۔ پھر میری والدہ نے ایک ٹوپی لی اور میرے سر پر ٹیڑھی کر کے رکھ دی۔ اور کہا کہ اب جاؤ اب کوئی بھی آپ کے پاؤں کی جانب نہیں دیکھے گا۔ سب سر ہی دیکھتے رہیں گے۔

 

وہ دن گیا اور آج کا دن آیا میں ٹوپی ٹیڑ ھی پہننتا ہوں۔ جب جب میں ایسا کرتا ہوں مجھے اپنی والدہ کی باتیں یا د آتیں ہیں۔