ایسا بھی ہوتا ہے صاحب، آپ باراتی لے کر جائے اور آپ کی ہونے والی دلہن کی شادی آپ کے سامنے کسی اور سے ہو جائے، وجہ جان کر آپ بھی دھنگ رہ جائینگے

شادی کے وقت کی پابندی لازم کریں نہیں تو دلہن ایسا فیصلہ بھی کر سکتی ہے۔

آن لائن (اعتماد ٹی وی) بھارت میں آئے روز شادی کے حوالے سے نے واقعات رونما ہوتے ہیں کبھی دلہن بدل جاتی ہے کبھی کچھ ہو جاتا ہے ایسا ہی ایک اور دلچسپ واقع سننے میں آیا ہے ۔ بھارتی ذرائع کے مطابق راجستھان کی دلہن نے ایسا کام کیا سب عش عش کر اُٹھے۔

راجستھان کے علاقے راج گڑھ میں دلہا اور اس کے دوست ،رشتے دار بارات لانے میں تاخیر کا شکار ہوگئے ۔ بارات رات کو 9 بجے دلہن کے گھر کی جانب روانہ ہوئی۔ دلہا اور اس کے دوست نشے میں تھے اور پرجوش ہو کر رقص کرتے رہے ۔ جس کے نتیجے میں بارات کئی گھنٹے دیر سے پہنچی۔

دلہے اور باراتیوں کی حالت پر دلہن کے اہل خانہ کی جانب سے اعتراض کیا گیا جس کو خاطر میں نہ لایا گیا تو دلہن نے بارات کو خالی واپس بھیجنے کا فیصلہ کر لیا۔ اور دلہن کے گھر والوں نے وہیں موجود دوسرے شخص سے دلہن کی شادی کر وادی۔ جس پر دلہے والوں نے شور کرتے ہوئے دلہن کے اہل خانہ کے خلاف مقدمہ درج کروایا۔

دلہن کے گھر والوں نے بیان دیا کہ دلہے اور اس کے گھر والوں کا رویہ غیر سنجیدہ تھا اگر ایسے ہی چلتا رہتا تو آئندہ زندگی کیسے گزارتے۔ اس لئے ایسا فیصلہ کیا اور جان بچائی۔