پاکستان تحریک انصاف کا لانگ مارچ روکنے کے لئے حکومت کے اوچھے ہتکھنڈے!
لاہور (اعتماد ٹی وی) پاکستان تحریک انصاف کے چئیر مین عمران خان نے جب سے لانگ مارچ کی تاریخ اناؤنس کی ہے موجودہ حکومت کا ناطقہ ہی بند ہو گیا ہے۔ اور اب حکومت کو جا ن کے لالے پڑے ہوئے ہیں اس کے لئے وہ ہر قیمت پر لانگ مارچ کو روکنے کے لئے منصوبہ بندی کر رہے ہیں۔
گزشتہ شب سے لانگ مارچ کو روکنے کے لئے پاکستان تحریک انصاف کے رہنماؤں کے گھروں میں چھاپے مارے جا رہے ہیں۔ پاکستان تحریک انصاف کے حمایتی چینلز کی نشریات بند کی جارہی ہے۔ اس کے ساتھ ساتھ کنٹینرز لگا کر راستے بند کئے جا رہے ہیں۔ اور اب فائنلی حکومت نے ملک بھر کے مختلف علاقوں میں موبائل فون سروسز بند کرنے کا اعلان کر دیا ہے۔
نجی ٹی وی نیوز نے دعویٰ کیا ہے کہ وزیراعلیٰ پنجا ب نے تمام قانون نافذ کرنے والے اداروں کو حکم دیا ہے لاہور کے تقریباً 20 مقامات پر اور پنجاب بھر کے 350 مقامات پر موبائل فون سروس بند کر دی جائے۔ اس کے ساتھ ساتھ اسلام آباد ، سندھ اور پنجاب میں دفعہ 144 نافذ کردی گئی ہے۔ ریڈ زون کو سیل کر دیا گیا ہے۔ ریڈ زون کی سیکیورٹی فوج کے حوالے کرنے کا سوچا جا رہا ہے۔
محکمہ داخلہ پنجاب نے پنجاب میں رینجر کو بلوا لیا ہے۔ اور پنجاب کے تمام اضلاع سے اسلام آباد جانے والی ٹرانسپورٹ بند کر دی گئی ہے۔حکومت نے ملک میں حالات خراب کرنے کی پیش رفت شروع کر دی ہے۔ جس کا واضح منظر تحریک انصاف کارکنان کے گھروں پر چھاپوں اور اس کے نتیجے میں ہونے والے حادثوں میں دیکھا جا سکتا ہے ۔
