پاک فضائیہ کی طرف انتہائی افسوس ناک خبر۔۔

پاک فضائیہ کا طیارہ دوران مشق پرواز جاری نہ رکھ سکا۔

میانوالی (اعتماد ٹی وی) ذرائع کے مطابق پاک فضائیہ کی جانب سے بتا یا گیا ہے ایک طیارہ معمول کی تربیتی پرواز کی مشق کر رہا تھا کہ اچانک سے وہ میانوالی کے قریب گِر کر ختم ہو گیا ۔ طیارے میں موجود پائلٹ نے بروقت پیراشوٹ کا استعمال کرتے ہوئے چھلانگ لگا دی ۔ اور بحفاظت زمین پر اُتر گیا۔

 

پاک فوج کے ترجمان کی جانب سے بتایا گیا ہے کہ زمین پر جس جگہ طیارہ گرا وہاں پر کسی بھی طرح کے جانی و مالی نقصان کی اطلاع نہیں ملی ہے، علاوہ ازیں ائیر ہیڈ کواٹر کی جانب سے واقع کی بھرپور جانچ کے لئے ایک انکوائری بورڈ تشکیل دیا جا چکا ہے۔

 

طیاروں کی تریبتی پرواز معمول کا حصہ ہیں لیکن اس سال طیارہ گرنے کا یہ دوسرا واقعہ ہے اس سے قبل 22 مارچ 2022 کو بھی ایک طیارہ پشاور کے قریب گر کر ختم ہوا تھا اور طیارے میں موجود دونوں پائلٹ چل بسے  تھے۔ 2021 میں بھی ایسا ہی ایک واقعہ دیکھنے میں آیا تھا لیکن اس وقت بھی پائلٹ بحفاظت زمین پر اُترنے میں کامیا ب ہو گیا تھا۔