بیوی کے ساتھ گھر کا کام کروانے پر کس قدر ثواب ملتا ہے جانئے حضورﷺ نے کیا ارشاد فرمایا۔

گھر کے کاموں میں بیوی کی مدد کرنی چاہیے یا نہیں ۔

لاہور (اعتماد ٹی وی) میاں بیوی کا رشتہ ایسا ہے کہ اس میں ہر رنگ آتا ہے خؤاہ محبت ہو یا نوک جھوک۔ اسی طرح ہمارے ہاں یہ رواج ہے کہ شادی کے بعد تمام تر گھر کی ذمہ داری خاتون پر ڈال دی جاتی ہے۔ اور اس کے بعد اس سے یہ تقاضا کیا جاتا ہے کہ وہ سب کام خوش اسلوبی سے سرانجام دے اور اسکے چہرے پر شکن تک نہ آئے۔اور خاتون جس پر ذمہ داری ڈالی جاتی ہے اس کے خیال میں یہ اس پر بوجھ ہے خوامخواہ کا۔

 

ایسے خیالات کی وجہ سے گھر مسائل کا شکار ہو تا ہے۔
اس حوالے سے ایک اسلامی واقعہ بیان کیا گیا ہے۔امام جعفر صادق ؓسے روایت ہے کہ مولائے کائنات حضرت علیؓ اور سیدہ کائنات حضرت فاطمۃ الزہرہ ؓ کا نکاح ہو گیا اور اُ سکے بعد اُ نکی ازدواجی زندگی کا آغاز ہوا تو ہو تایہ تھا کہ اگر کوئی بھی معاملہ پیش آتا تو یہ دونوں ہستیاں حضورؐ کی بارگاہ اقدس میں حاضر ہوتی۔

 

ایک مرتبہ روزمرہ زندگی کی جو ذمہ داریاں کی تقسیم بندی کے بارے میں فیصلہ کرنے کا تقاضا آپﷺ سے کیاتو حضورؐ نے فرمایا کہ گھر کے اندرونی حدود کے تمام کام حضرت فاطمؓہ کریں اور گھر کے خارجی کام سارے حضرت علی رضی اللہ عنہ کریں۔

 

جنابِ فاطمؓہ فرماتی ہیں کہ اس فیصلے سے جتنی خوشی مجھے ہوئی اُسے اللہ کے سوا کوئی نہیں جانتا۔گھر کے کام کی سربراہی عورت کر ے گی اور گھر کے باہر کی ذمہ مرد اُٹھائے گا ۔یہ عورت کی نفاست اور نزاکت کے عین مطابق ہے۔

 

پھر حضورﷺ نے مولائے کائنات حضرت علؓی کو مخاطب کرتے ہوئے فرمایا کہ تم میں سے جو کوئی بھی گھر کے کاموں میں اپنی خاتون کی مدد کر ے گا تو اُس کو اپنےبدن پر موجود ہر بال کی نسبت ایک سال کی نیکی کا ثواب ملے گا۔اور پھر فرمایا کہ اے علؓی گھریلو خدمت کی ایک گھڑی ایک سال کی عبادت مطابق ثواب ملتا ہے۔گھر میں خاتون خانہ کی مدد کرنا ہزار ہا سال کی عبادت سے بڑھ کر ہے۔