پریشانیاں تو انسان پر آتی رہتی ہے لیکن انکا حل کیا ہے، جانئے

انسان پر پریشانیاں کیوں آتیں ہیں اور ان حالات میں کیا کرنا چاہیے۔

 

لاہور (اعتماد ٹی وی) وقت سدا ایک سا نہیں رہتا ۔ نہ ہی یہ رکتا ہے ۔ اس کا کام گزرنا ہے اور یہ گزرتا چلا جا تا ہے۔ اسی طر ح انسان کی زندگی ہے جس میں ایک جیسے حالات نہیں رہتے ۔ کبھی خوشی، کبھی غمی، کبھی کامیابی ، کبھی ناکامی۔ یہ سب انسانی زندگی کا حصہ ہیں اور اللہ تعالیٰ کی طرف سے ایک امتحان ہے ۔

 

جیسے ایک بچہ سالانہ امتحان دئیے بغیر اگلی جماعت میں نہیں جا سکتا اسی طرح انسان بھی امتحان پاس کئے بغیر ایک نیا مقام حاصل نہیں کرسکتا ۔ قرآن پاک میں بھی ارشاد ہے کہ” کبھی ہم تمہیں بھوک دے کر آزمائیں گے،کبھی تمہارے مال میں کمی کر کے تمہیں آزمائیں ، کبھی تمہارے پیاروں کو تم سے دور کر کے تمہیں آزمائیں گے، پھلو ں کی کمی سے بھی تمہاری آزمائش ہوگی”۔ جو ان آزمائشوں میں کامیاب ہو جائے اس کو خوشخبری سنا دیجیے۔

 

جو لوگ آزمائشوں پر گھبرانے کی بجائے صبر کرتے ہیں اور کہتے ہیں کہ ہم اللہ کے ہیں اور اللہ کی طرف ہی لوٹ کر جانا ہے یہ آزمائش اس کا فیصلہ ہے ۔ انسان پر دکھ ، آزمائشیں ، پریشانیاں اس لئے آتیں ہیں کہ وہ اللہ سے رجوع کر ے۔

 

جب بندہ اپنے رب سے پناہ مانگتا ہے تو وہ اس کی پریشانیاں ، مصائب سب ختم کر دیتا ہے۔ اس لئے پریشانیوں پر گھبرانے کی بجائے اللہ کی بارگاہ میں حاضر ہوکر دعا کریں صبر کا دامن ہاتھ سے نہ چھوڑیں۔ وہ آپ کی پکار کا انتظار کرتا ہے جیسے ہی پکاریں گے وہ آپ کے معاملات حل کردے گا۔