چھوٹے سے بچے نے ماں کی پیروی کرتے ہوئے سب کا دل جیت لیا۔

ماں کی گود بچے کی پہلی درسگاہ ہوتی ہے یہ بات صرف الفاظ کی حد تک محدود نہیں ہے بلکہ ایسے لاتعداد واقعات ہیں جو اس بات کو حقیقت بناتے ہیں۔ بچہ حمل کے دوران بھی اپنی ماں کی آواز سب سے پہلے سنتا ہے ۔

 

 

ایسے ہی دنیا میں آنے کے بعد بھی ماں سے بڑھ کر کچھ نہیں ہوتا۔ خواہ کسی بھی عمر کا شخص ہو گھر میں داخل ہوتے ہی ماں کے متعلق سوال کرتا ہے۔ ماں چہر ہ نظر آتے ہی دل کو سکون پہنچ جاتا ہے۔ ماں کی کل کائنات اس کی اولاد ہوتی ہے۔ بالخصوص جب وہ چھوٹی عمر میں ہوں تو ماں سے بڑھ کر ان پر پیار کسی کو نہیں آتا۔

 

 

ایسی ایک ویڈیو سوشل میڈیا پر جاری ہوئی جس میں پانچ ماہ کا بچہ اپنی ماں کے ساتھ ورزش کر رہا ہے۔ بچے بڑوں سے ہی سیکھتے ہیں جو وہ انھیں کرتے ہوئے دیکھتے ہیں ویسا ہی کرنے کی کوشش کر تے ہیں۔ ایسا ہی اس بچے نے کیا۔ ویڈیو میں دکھایا گیا ہے کہ ماں نے ورزش کے دوران پلینک کی پوزیشن بنائی ہوئی ہے۔

 

 

اچانک بچہ وہاں آتا ہے اور جیسی حالت میں ماں کو دیکھتا ہے ویسے ہی کرنے کی کوشش کرتا ہے۔اور پھر بچہ وقفے وقفے سے پلینک کی پوزیشن لینا شروع کر دیتا ہے۔ بچے کی ماں نے یہ ویڈیو سوشل میڈیا پر اپ لوڈ کرتے ہوئے لکھا کہ میرا 5 ماہ کا بچہ کچھ نیا سیکھ رہا ہے۔ بچے کے اس بے ساختہ پن پر سب کو پیار آیا۔ دیکھتے ہی دیکھتے ویڈیو وائرل ہو گئی۔