مہنگے پیٹرول نے کسانوں کو مشکل میں ڈال دیا۔
پیٹرولیم اشیاء کی قیمتوں میں اضافے شعبہ زندگی متاثر ہونے کے ساتھ ساتھ زراعت پر بھی اس کا گہرا اثر ہوا ہے پاکستان ایک زرخیر زرعی ملک ہے اگر یہاں پر زراعت کے شعبے کا سہولیات نہ دی جائیں تو ملکی معشیت مزید کمزور ہو جائے گی۔
ایسا ہی اب کے دور میں ہو رہاہے پیٹرول کی قیمت بڑھنے کے بعد سے کسانوں کی مشکلات میں بہت اضافہ ہوگیا ہے۔ کسان جو کہ ٹیوب ویلوں سے موٹر چلا کر پانی فصلوں کو دیتے تھے اب سے انھوں نے پیٹرول کی قیمتوں میں اضافے کی وجہ سے جنریٹر چلانا بند کر دیا ہے ۔
موسم گرما کی بارشیں بھی تاخیر کا شکار ہیں اور ایسے میں فصلوں کی پانی کی ضرورت کو پورا کرنے کے لئے جرنیٹر چلانا ممکن نہیں رہا ۔ اگر بروقت فصلوں کو پانی نہ دیا گیا تو تمام فصلیں برباد ہو جائیں گی۔ ایسے میں ملک میں خوراک کی ضروریات کو پورا کرنے کے لئے درآمدات بڑھانا پڑھ جائیں گی ۔ جس سے کمزور معشیت بالکل ختم ہو کر رہ جائے گی۔
اگر حکومت بر وقت اقدامات کرتے ہوئے کسانوں کو پیٹرول مناسب قیمت پر مہیا کرے تو فصلوں کو بروقت پانی دیا جا سکے گا۔
