لاہور کے بچوں کے بڑے ہسپتال میں ایک ناخوشگوار واقعہ پیش آیا کروڑو ں کی مالیت کا نقصان، بچوں کی جانیم بھی غیر محفوظ

لاہور کے ہسپتال میں ایک ناخوشگوار واقعہ پیش آیا کروڑو ں کی مالیت کا نقصان ۔

 

لاہور (اعتماد ٹی وی) لاہور گلبرگ میں موجود چلڈرن ہسپتال کی تیسری منزل پر اچانک سے آگ لگ گئی۔ انتظامیہ نے بتایا کہ صبح پانچ بج کر پندرہ منٹ کے قریب پر یہ واقعہ پیش آیا ۔ جیسے ہی اس کی خبر ملی فوراً ریسکیو اور فائر بریگیڈ کو بلا لیا گیا۔

 

دونوں امدادی ٹیمیں بروقت اسپتال پہنچ گئیں اور صورتحال کو قابو میں کیا ۔ انتظامیہ کے مطابق تیسری منزل پر واقع فارمیسی اسٹور جل گیا ہے جس میں بہت مہنگی ادویات بھی موجود تھیں۔ کل ملا کر اگر تخمینہ لگایا جائے تو کروڑوں کی ادویات ہیں جو جل کر راکھ کا ڈھیر بن گئیں ہیں۔

 

اس تمام واقعے کو قابو کرنے کے لئے فائر بریگیڈ کے 7 فائر ٹینڈرز نے حصہ لیا تاہم شکر ہے اللہ کا کوئی جانی نقصان نہیں ہوا نہ ہی کسی کے زخمی ہونے کی اطلاع ملی ہے۔ محکمہ صحت پنجاب کی جانب سے اس تمام واقعے تحقیقات کرنے کا حکم دیا گیا ہے۔

 

اس کے لئے ایک 6 رکنی کمیٹی بھی بنا دی گئی ہے جس کا سربراہ اسپیشل سیکرٹری پرائمری ہیلتھ ڈیپارٹمنٹ کو بنایا گیا ہے۔ کمیٹی کو تاکید کی گئی ہے کہ واقعے کی تحقیق کی مکمل رپورٹ تین دن میں جمع کروائے۔ اس سلسلے میں اسٹاف اور متاثرہ افرادسے پوچھ گوچھ کے ساتھ ساتھ فائر الارم اور فائر فائٹنگ سسٹم کا جائزہ لیں اور ذمے دار افراد کی نشاندہی کریں۔