سابقہ وزیر خزانہ نے موجودہ حکومت کو تمام مسائل کا حل بتا دیا لیکن مجال ہے کہ حکومت کے سر پر جوں بھی رینگے

موجودہ حکومت کو معشیت بچانے کے لئے روس جانا چاہیے ۔ شوکت ترین

 

اسلام آباد (اعتماد ٹی وی ) پاکستا ن کے سابق وزیر خزانہ شوکت ترین نے حکومت پر کڑی تنقید کر دی اور کہا کہ ابھی بھی وقت ہے ہوش کے ناخن لیں۔ اور میرا مشورہ مان لیں روس کا دورہ کریں روس سے مد د لیں۔ اس سے اس مشکل دور میں بھی 30 فیصد بچت ہو جائے گی۔

 

سابق وزیر خزانہ کا کہنا ہے کہ موجودہ حکومت تحریک انصاف پر تنقید کرتی ہے کہ آئی ایم ایف کے معاہدے سے ہم پیچھے ہٹے۔ جب ہمارے وقت میں آئی ایم ایف نے قیمتیں بڑھانے کا کہا تو ہم نے انکار کر دیا۔

 

اور آئی ایم ایف کو کہا آپ کو پیسے میں اکھٹے کر کے دوں گا اس کے لئےقیمتیں بڑھانے کی ضرورت نہیں ہے۔

 

ہم ٹیکس میں اضافہ کر کے پیسے اکھٹے کریں گے ہم نے اپنا پلان بتا کر آئی ایم ایف کو راضی کیا اور یہ معاہدہ باقاعدہ پورا بھی کیا اس حوالے سے معاہدے ویب سائٹس پر موجود ہیں۔

 

مزید کہا کہ ہم نے سستا تیل خریدنا تھا اور اس کے لئے ٹارگٹڈ سبسڈی بھی لینی تھی۔ ہمارے پاس تمام تر پلان موجود تھے لیکن موجودہ حکومت کے پاس کچھ نہیں ہے ۔ یہ عوام کا خیال کر کے نہیں آئے۔

 

آئی ایم ایف کا خیال کرنے والی حکومت عوام کی درد مند نہیں ہو سکتی۔ انھوں نے آئی ایم ایف کے تمام مطالبات مان لئے بجلی گیس کی قیمتوں میں اضافہ پیٹرول کی قیمت میں اضافہ کر دیا ۔

 

ان کے آنے کے بعد ریزرو ڈیڑھ ارب ڈالڑ سے نیچے گر گیا موڈیز نے اپنے رپورٹ میں پاکستان کی معشیت کو منفی بتا دیا ۔ واپڈا بھی ان کے آنے کے بعد تنزلی کا شکار ہو گیا ہے۔

 

اگر ایسے حالات رہے تو مہنگائی 25 سے 30 فیصد تک جائے گی جب فیکٹریز کو قرضہ 25 فیصد پر ملے گا تو وہ کام کیسے کریں گی ۔ ہمارے اقتدار کے دوران کورونا وباء آئی لیکن بہتر حکمت عملی کے باعث ہم نے سب کچھ سنبھال لیا۔ مہنگائی کا طعنہ دینے والی یہ حکومت مہنگائی کا سونامی لائی ہے۔

 

ہماری حکومت نے پیٹرول چار سالوں میں 58 روپے بڑھایا انھوں نے 30 دنوں میں 60 روپے بڑھا دیا۔ ڈالر 178 سے 200 ہوگیا آئی ایم ایف کی ہر بات آنکھیں بند کر کے نہیں مانی جا سکتی ، ایمپورٹڈ حکومت امریکہ سے ڈرتی ہےا س لئے روس سے مدد نہیں لے رہی ا بھی بھی وقت ہے ڈر بغیر ہمت کر کے روس سے تیل لیں۔

 

 

لیکن ایسا کرنا ان کے بس میں نہیں کیونکہ انھوں نے اپنے این این سی کے انٹرویو میں واضع کہا کہ اگر روس کی سمت گئے تو امریکہ کی جانب سے پابندیاں سخت ہو جائیں گی۔