شاہین آفریدی نے آخر ‘پاکستان کی شان’ کا لقب کسے دیا، جس سے تمام کھلاڑیوں سمیت پورا پاکستان متفق۔

پاکستان کرکٹ ٹیم کی شان اس کا کپتان۔ شاہین آفریدی

 

لاہور (اعتماد ٹی وی) پاکستان کرکٹ ٹیم کے تیز رفتا ر گیند باز شاہین آفریدی اپنے کپتان سے شدید متاثر ۔

 

شاہین آفریدی نے اپنے سوشل میڈیا ٹوئٹر اکاونٹ کے ذریعے ایک پیغام جاری کیا جس میں انھوں نے نہ صرف پاکستانی کرکٹ ٹیم کے کپتان بابر اعظم کی کامیابیوں کی تعریف کی بلکہ ان کی شخصیت کی تعریف کرتے ہوئے کہا آپ پاکستان کی شان ہو۔

 

شاہین شاہ آفریدی نے مزید لکھا کہ کامیابیاں اللہ کی عطاکرد ہ ہیں ریکارڈ بنانا ایک الگ چیز ہے لیکن کل کے میچ میں آپ نے جو مین آف دی میچ کا ایوارڈ خوشدل شاہ کو دیا اس نے آپ کی عظمت میں مزید اضافہ کر دیا۔ آپ کے اس قد م سے آپ نے لاکھوں دل جیت لئے۔

 

اس کے ساتھ ساتھ شاہین شاہ آفریدی نے کپتان بابر اعظم کو ڈھیڑوں دعائیں دیتے ہوئے کہا کہ اللہ تعالیٰ آپ کو پاکستان کے لئے مزید کامیابیوں کے ریکارڈ بنانے کی توفیق عطا کرے اور آپ ایسے ہی ہمارے ملک کی شان بنے رہو اس کے ساتھ انھوں نے بابر اعظم کی تصویر بھی شئیر کی۔

 

ویسٹ انڈیز کے خلاف ہوم سیریز میں پہلے ون ڈۓ میچ میں مہمان ٹیم کو 5 رنز سے شکست دی تین میچوں پر مشتمل اس ون ڈے سیریز کے افتتاحی میچ میں پاکستا ن کو 306 رنز کا ہدف ویسٹ انڈیز کی جانب سے دیا گیا جس میں قومی ٹیم نے اس ہدف کو پانچ وکٹوں کے نقصان پر پورا کیا۔

 

بابر اعظم نے شاندار انداز میں سنچری بنا کر اپنی پوزیشن برقرار رکھی لیکن اختتامی اووز میں خوشدل شاہ نے 23 گیندوں پر 41 رنز بنائے اس کے لئے انھوں نے جارحانہ انداز میں بیٹنگ کی اور قوم ٹیمی کو جیت دلائی جس پر بابراعظم نے اپنا مین آف دی میچ کا ایوارڈ خوشدل شاہ کو دے کر کرکٹ ٹیم کے ساتھ ساتھ پاکستانی عوام کا دل جیت لیا۔