روس کی جانب سے پاکستان کے لئے اچھی خبر ! کیا موجودہ حکومت اس تجویز کو مانے گی؟
لاہور (اعتماد ٹی وی) پاکستان تحریک انصاف کے دور میں عمران خان نے دورہ رو س کیا جس میں سستے داموں تیل اور گندم کی درآمد کی بات ہوئی تھی۔روس نے پاکستان کو سستا تیل دینے کی یقین دہانی بھی کروائی تھی۔
جس کے بعد عمران خان کے خلاف تحریک عدم اعتماد لائی گئی اور ان کو اقتدار سے ہٹا دیا گیا۔
اب روسی قونصل جنرل اندرے فیڈروف نے پاکستا ن کے لئے سابقہ آفر کے متعلق بات کرتے ہوئے کہا کہ حکومت اگر آج بھی روس سے تیل کی خرید کے لئے رابطہ کر ے گی تو ہم ان کو سستے داموں تیل دینے کو تیار ہیں۔
قونصل جنرل نے مزید کہا کہ سابق وزیراعظم نے اس متعلق بات کی تھی لیکن کیونکہ پاکستان کی جانب سے سرکاری طور پر کوئی پیش رفت نہیں کی گئی اس لئے بات مزید آگے نہیں بڑھی۔
قونصل جنرل نے کہا اگر روس پر پابندیاں لگائی گئیں تو پاکستان سے تجارتی تعلقات متاثرہونگے لیکن ہم آج بھی پاکستان کی مد د کے لئے تیار ہیں۔ یوکرین کے معاملے پر بات کرتے ہوئے کہا اس مسئلے کا تاحال کوئی حل نہیں نکلا، یوکرین کی جانب سے امن کے مذاکرات کو سنجیدگی سے نہیں لیا جا رہا۔
وزیرا خزانہ مفتاح اسماعیل نے بھی اس بات کی تصدیق کی کہ پاکستان کی جانب سے کوئی خط نہیں بھیجا گیا روس کو ، جس پر حماد اظہر نے ایک خط کی تصویر باقاعدہ شئیر کرتے ہوئے کہا روس ہمارے ساتھ تعاو ن کرنے کے پرجوش تھا آپ اب بھی اس تجویز سے فائدہ اُٹھا سکتے ہیں ۔ عوام کا خیال ہے تو رابطہ کریں۔
