گوگل میپ کا حیرت انگیز نیا فیچر متعارف، صارفین اب اس نئی خصوصیت سے بھی فائدہ اٹھا سکے گے

گوگل میپ نے ایک نیا فیچر متعارف کر وا دیا۔

 

آن لائن (اعتماد ٹی وی) موجودہ دور میں گوگل میپ کا استعمال بہت بڑھ گیا ہے آپ خواہ کسی بھی جگہ جانا چاہتے ہوں او ر راستے کا علم نہ ہو تو آپ بس لوکیشن گوگل میپ پر ڈالیں راستہ آپ کو مل جائے گا۔ اس کے علاوہ گھر بیٹھے ہی آپ کو راستے کے متعلق تمام تر معلومات بھی مل جاتی ہیں۔

 

اس گوگل میپ میں اب ایک نیا فیچر متعارف کروایا جا رہا ہے جس کے مطابق گوگل میپ آپ کے ارد گرد موجود ہوا کا تناسب بھی بتائے گا۔ اس فیچر کا نام ائیر کوالٹی لیئر رکھا گیا ہے۔ یہ صارف کو ارد گرد موجود ہوا کا معیار بتائے گا ۔

 

اگر آپ نے گھر سے باہر کسی سفر پر جانا ہے تو پہلے گوگل میپ پر ائیر کوالٹی چیک کر یں تا کہ آپ کو ارد گرد کے ماحول کا اندازہ ہوجائے اور آپ بہتر فیصلہ کر لیں کہ گھر سے نکلنا چاہیے یا نہیں۔

 

ان تفصیلات کی معلومات کے لئے آپ کو ایپ کی سیٹنگز میں جا کر ائیر کوالٹی لئیر کی آپسن کو چننا ہوگا ۔ جس کے بعد سے آپ اس فیچر کو استعمال کر سکتے ہیں ۔

 

 

شروعات میں اس فیچر کو صرف امریکہ میں متعارف کروایا جا رہا ہے ۔ جس کے بعد اس کو تمام ممالک میں متعارف کروایا جائے گا۔