وزیر اعظم کی گہری نظر، جانئے نئے بجٹ میں کتنی رقم قبرستان بنانے کے لئے مختض کی گئی ہے اور کہاں کہاں جدید قسم کا قبرستان بنے گا

زندہ انسانوں کو چھوڑ کر شہباز حکومت نے مُردوں پر رحم کی نظر ڈال دی ۔

 

اسلام آباد (اعتماد ٹی وی) کہتے ہیں انسان کی قدر اس کے انتقال کے بعد ہی ہوتی ہے زندہ انسان کی کوئی حیثیت نہیں ہے۔

 

 

ایسا ہی ڈاکٹر عامر لیاقت حسین کے معاملے میں نظر آیا ، جب زندہ تھے تو ہر شخص ا نکے کردار ، قول کے متعلق تنقید کر رہا تھا آج ہم سب میں نہیں ہیں تو ہر کوئی ان کی حالت کا ذمہ دا ر ان کی تیسری بیوی کو ٹھہرا رہا ہے۔

 

ایسا ہی حکومت پاکستان کا حال ہے زندہ انسانوں پر مہنگائی کے سونامی لا کر مُردوں پر نظر کرم کر دی۔

 

ذرائع کے مطابق بجٹ میں پانچ ماڈل قبرستان بنانے کے لئے 25 کروڑ کی رقم مختص کر دی اور اس منصوبے کو دوبارہ بجٹ کا حصہ بنا ڈالا۔ آئندہ 2022 سے 2023 کے درمیان شہر لاہور میں نئے قبرستانوں کے لئے بجٹ تجاویز پیش کی گئیں ہیں ۔

 

رائیونڈ روڈ صوفی میلان دین پر قبرستان کے لئے 6 کروڑ 70 لاکھ کی رقم مختص کرنے کی تجویز دی گئی ہے اس کے علاوہ تلس پورہ میں ماڈل قبرستان کے لئے ڈیڑھ کروڑ، صوئے آصل بیدیاں پر قبرستان بنانے کے لئے 6 کروڑ کی اسکیم میں سے 1 کروڑ مختص کرنے کی تجویز دی گئی ہے۔

 

کاہنہ نو اور آہلو روڈ پر بھی دو قبرستان بنانے کے لئے 12 کروڑ سے زائد سکیموں میں سے دو کروڑ کی رقم مختص کرنے کی تجویز پیش کی گئی ہے ۔ پاکستان تحریک انصاف کی حکومت گزشتہ سال ایک بھی قبرستان لاہور میں نہ بنا سکی۔اور اس منصوبے کو بھی بجٹ سے نکال دیاگیا ۔