جو خواتین مصنوعی بالوں کا استعمال کرتی ہیں، وہ رسول ﷺ کی یہ حدیث بھی سن لے کہ کس قدر اللہ نے ناپسند فرمایا ہے اس عمل کو

کیا عورتیں وِگ کا استعمال کر سکتی ہیں؟

 

لاہور (اعتماد ٹی وی) خواتین اپنی خوبصورتی کو نکھارنے کے لئے نت نئے طریقے اختیار کرتی ہیں۔ خوبصورت نظر آنے کے لئے میک اپ کا استعمال اب پرانی بات ہو گئی ہے جدید دور کے جدید طریقوں کے مطابق خواتین اب مصنوعی چیزوں پر انحصار کرنے لگی ہیں۔ اس طریقے میں مرد بھی پیچھے نہیں رہے۔

 

پاکستان میں موجود مختلف میڈیکل ادارے کھولے گئے ہیں جہاں کاسمیٹکس سرجری کے ذریعے انسان کو خوبصورت بنایا جاتا ہے رنگ گورا کرنے کے لئے ڈرپس ، میڈیسنز اور انجیکشنزاستعمال کیے جاتے ہیں ہونٹوں کو موٹا کرنے کے لئے بھی سرجری کروائی جاتی ہے۔

 

 

اس کے علاوہ جسم کو پرکشش بنانے کے لئے بھی مختلف طریقہ کار اختیار کیے جاتے ہیں۔

 

اسی طرح جن خواتین کے بال چھوٹے ہوں تو وہ وگ استعمال کرتی ہیں جس کے متعلق صحیح بخاری کی حدیث ہے۔

 

کتاب الباس باب 83 میں حدیث نمبر 5934 میں اس سے متعلق واضح احکام دئیے گئے ہیں اس میں ایک واقعہ بھی بتایا گیا ہے کہ ایک انصاری خاتون کی شادی ہوئی اور شادی کے بعد کسی بیماری کی وجہ سے اس کے سر کے تمام بال جھڑ گئے۔

 

اس خاتون کے گھر والوں نے کہا کہ اگر اس کو مصنوعی بال لگا دیے جائیں تو کیسا رہے گا چنانچہ وہ رسول ﷺ کی بار گاہ میں حاضر ہوئے اور تمام واقعہ بیان کیا جس حضورؐ نے فرمایا کہ اللہ تعالیٰ نے مصنوعی بال جوڑنے اور جڑوانے والوں پر لعنت بھیجی ہے۔ اسلام اس بات کی قطعی اجازت نہیں دیتا کہ اللہ کے احکامات کی خلاف ورزی کی جائے۔