ڈاکٹر عامر لیاقت حسین کا پوسٹ مارٹم کروانے کے لئے عدالت نے حکم جاری کر دیا۔

ڈاکٹر عامر لیاقت حسین کا پوسٹ مارٹم کروانے کے لئے عدالت نے حکم جاری کر دیا۔

 

کراچی (اعتماد ٹی وی) ڈاکٹر عامر لیاقت حسین کے انتقال کا معاملہ کافی پراسرایت لئے ہوئے ہے۔ ڈاکٹر عامر لیاقت کی تدفین سے قبل پولیس کی جانب سے ان کے پوسٹمارٹم کو لازمی قرار دیا گیا تھا لیکن ان کے اہل خانہ کی جانب سے اس بات سے منع کر دیا گیا جس پر پولیس نے ان کی میت کو اہل خانہ کے حوالے کرنے سے منع کر دیا ۔ عدالت کے ذریعے تمام معاملات طے پانے کے بعد عامر لیاقت حسین کی تدفین کی اجازت دے دی گئی۔

 

بعدازاں کراچی کے ایک شہری نے جوڈیشل مجسٹریٹ شرقی میں ڈاکٹر عامر لیاقت کے پوسٹمارٹم کروانے کی درخواست دی جس پر عدالت میں آج سماعت ہو ئی پولیس کا کہنا ہے کہ مرحوم کے جسم پر کسی قسم کی مار کے نشان نہیں تھے۔ نہ ہی ان کے لواحقین کو ان کے حوالے سے کسی پر شبہ ہے۔

 

 

تاہم شہری کا موقف ہے کہ ڈاکٹر عامر لیاقت حسین ایک مشہور شخصیت تھے اور شک ہے کہ ان کے جائیداد کے سلسلے میں ایسا اقدام کیا گیا ہو۔

 

ایکسرے میں ان کی کلائی اور کندھے کی ہڈی ٹوٹی ہوئی ہے جس سے ان کے معاملے میں شکوک پیدا ہو رہے ہیں۔ اس لئے ضروری ہے کہ ان کے پوسٹمارٹم کے ذریعے اصل وجہ کے متعلق معلوم کیا جائے ۔

 

 

جس پر عدالت کی جانب سے فیصلہ محفوظ کرنے کے بعد پولیس کو احکامات جاری کئے گئے کہ مرحوم ڈاکٹر عامر لیاقت حسین کا پوسٹمارٹم کیا جائے۔