مسلم لیگ (ن) نے ‘ٹائیگر فورس ڈے ‘ منانے پر پی ٹی آئی کو شدید تنقید کا نشانہ بنا ڈالا۔
پاکستان مسلم لیگ (ن) نے اتوار کے روز ‘ٹائیگر فورس ڈے’ منانے پر پاکستان تحریک انصاف (پی ٹی آئی) کی حکومت پر شدید تنقید کی اور الزام لگایا کہ رضاکار فورس کے ممبر پنجاب میں رشوت لے رہے ہیں۔
مسلم لیگ (ن) پنجاب کی ترجمان عظمہ بخاری نے ایک بیان میں کہا کہ ٹائیگر فورس ڈے منانے پر حکومت کو شرم سے مر جانا چاہیے۔ انہوں نے الزام لگایا کہ فورس کے تین رضاکار صرف لاہور میں ہی رشوت لیتے ہوئے پائے گئے ہیں۔
مزید جانیے: حجر اسود کیسے جنت سے زمین پر اُتارا گیا۔
بخاری نے وزیر اعلی پنجاب عثمان بزدار کو تنقید کا نشانہ بنانے ہوئے کہا کہ تحریک انصاف کی اربوں کی درخت لگانے کی مہم میں بُری طرح ناکام ہو چکی ہے۔ انہوں نے مزید کہا کہ مقامی اور غیر ملکی میڈیا نے اربوں شجرکاری منصوبے میں پرویز خٹک کی زیر قیادت خیبر پختونخوا حکومت کی بڑے پیمانے پر بدعنوانی کا انکشاف بھی کیا ہے۔
بخاری نے دعوی کیا کہ گذشتہ سال صوبا ئی حکومت نے سر سبز پنجاب پروگرام کے تحت لگائے گئے درخت ضائع ہوگئے ہیں۔ انہوں نے الزام لگایا کہ وزیر اعلی پنجاب سر سبز پنجاب پروگرام سے پیسہ کما رہے ہیں۔
یا د رہے کہ وزیراعظم عمران نے ٹائیگر فورس ڈے کے موقع پر شجرکاری مہم کا اعلان کیا تھا۔
جولائی میں، وزیر اعظم عمران خان نے اعلان کیا تھا کہ 9 اگست ٹائیگر فورس ڈے کے طور پر منایا جائے گا۔ کیونکہ پاکستاں کا ماحول بہت آلودہ ہو چکا ہے اور آب و ہوا کی تبدیلی کے منفی اثرات سے نمٹنے کے لئے ملک بھر میں بڑے پیمانے پر شجرکاری مہم کا آغاز کیا جائے گا۔ ایک پیغام میں، وزیر اعظم نے کہا کہ وہ شجرکاری مہم میں حصہ لیں گے۔
وزیر اعظم نے کہا کہ ہمیں 2023 تک 10 ارب درخت لگانے ہیں۔
Advertisement
پودے لگانے کی مہم کے پیچھے آلودگی اور گلوبل وارمنگ کا محرک قرار دیتے ہوئے وزیر اعظم نے کہا کہ رضاکار فورس زیادہ سے زیادہ درخت لگا کر ایک ریکارڈ قائم کرے گی۔
وزیر اعظم عمران نے کہا کہ آلودگی کی وجہ سے عام لوگوں کی صحت بگڑ رہی ہے اور اب وقت آگیا ہے کہ مسئلے کا حل نکا لا جائے۔
مزید پڑھیے: گرمی میں پسینے کی بدبو دُور کرنے کا طریقہ
