عامر لیاقت رمضان ٹرانسمیشن کا کتنا معاوضہ لیتے تھے ؟ جان کر آپ حیران رہ جائیں

مرحوم عامر لیاقت حسین رمضان ٹرانسمیشن کا کتنا معاوضہ لیتے تھے؟

 

کراچی (اعتماد ٹی وی) ڈاکٹر عامر لیاقت حسین نے اپنی زندگی میں بہت سے کام انجام دئیے ایم کیو ایم کے کارکن کی حیثیت سے ٹی وی انڈسٹری میں قدم رکھے اور آن ائیر تبلیغ کا م شروع کیا ۔ انھوں نے نعت رسولؐ بھی پڑھیں۔

 

 

8 اکتوبر 2005 کو پاکستان میں ہونے والے سانحے نے ان کو شہرت کی بلندیوں پر پہنچا دیا۔ انھوں نے پاکستان کے مشکلات میں شکار لوگوں کے امداد جمع کرنے کے لئے پروگرام کیے۔

 

انعام گھر پروگرام کے بعد ان کی شہرت مزید بڑھ گئی۔ رمضان ٹرانسمیشن کے ذریعے انھوں نے لوگوں کے دلوں میں گھر کر لیا۔ ان کی حیاتی میں رمضان ٹرانسمیشن کو لے کر کئی ویڈیو کلپس سامنے آئے جس میں ان کے معاوضے کے متعلق بات کی گئی۔

 

 

نجی ٹی وی کے پروگرام ایک دن جیو کے ساتھ میں انھوں نے صحافی سہیل وڑائچ کو 2013 میں بتایا کہ انعام گھر پروگرام کے اسٹیج کو تیار کرنے کے لئے میں نے خود بھی حصہ لیا اور سوچ بچار کے بعدا سکو بنایا اس کو لے کر میرے ذہن میں شہر امان کا تصور تھا۔

 

 

رمضان ٹرانسمیشن کے معاوضے سے متعلق عامر لیاقت حسین نے بتایا کہ میں یہ بات آج سب کو لائیو بتا تا ہوں کہ میں رمضان ٹرانسمیشن کرنے کا کوئی معاوضہ نہیں لیتا۔ میں صرف اپنی ماہانہ تنخواہ لیتا ہوں ۔ رمضان ٹرانسمیشن کو میں اپنا دین ایمان سمجھ کر کرتا ہوں۔

 

 

اسی پروگرام میں اپنی جائیداد سے متعلقہ سوال کے جواب میں انھوں نے بتایا کہ نہ میں ابھی تک کروڑ پتی بنا ہوں نہ اتنی جائیدا د ہے ایک فلیٹ میں میری رہائش ہے اور ایک گھر ہے جس کو تعمیر کر وا رہا ہوں۔ وہ بھی بینک سے قرض لیا ہوا ہے۔

 

 

نہ ہی میرے کوئی رقم کے اکاؤنٹ ہیں ایک سرکاری اکاؤنٹ ہے جو تنخواہ کے لئے بنایا ہوا ہے اور دو ذاتی ہیں جن میں بچوں کے لئے سیونگ کرتا ہوں۔چوتھا اکاؤنٹ دبئی میں ہے جس کے متعلق مزید کوئی معلوما ت انھوں نے فراہم نہیں کی۔