کاغذ کی قیمتوں میں اضافہ ملک میں تعلیمی نظام متاثر۔
لاہور (اعتماد ٹی وی) موجودہ حکومت نے پاکستان میں مہنگائی بڑھانے کے ساتھ ساتھ پاکستان سے شرح خواندگی کم کرنے کا بیڑا اُٹھا لیا ہے۔ بجٹ میں سینما ہال ، تھیٹر سے ٹیکس ہٹا کر باقی اشیاء پر ٹیکس بڑھا دیا ہے جن اشیاء پر ٹیکس بڑھا یا گیا ہے ان میں کاغذ بھی شامل ہے۔
ذرائع کے مطابق حکومت نے کاغذ کی قیمتوں میں 100 فیصد اضافہ کر دیا ہے جس کی وجہ سے پبلشرز نے کم ریٹس پر کتابیں چھاپنے سے انکار کر دیا ہے۔ صدرانجمن تاجران خالد پرویز نے میڈیا سے بات چیت کے دوران کہا کہ گزشتہ چند ماہ کے دوران ہی کاغذ کی قیمتوں میں اضافہ کیا گیا ہے۔
کاغذ کی قیمت 105 روپے فی کلو سے بڑھا دی گئی ہے اب 210 روپے فی کلو ہو گئی ہے۔ پیپر ملوں نے بھی چند ماہ کے دوران چار مرتبہ کاغذ کی قیمتیں بڑھا دیں ہیں ۔ اب ٹیکسٹ بک بورڈ کا ٹینڈر اُٹھانے والے لوگ بھی پریشانی کا شکا رہیں۔
کیونکہ پبلشرز کی جانب سے ٹینڈر 190 روپے فی کلو کے حساب سے اُٹھایا گیا ہے جب کہ قیمت 210 روپے فی کلو ہو گئی ہے۔ ایسے میں آرڈر پورا کرنا وبال جان بن گیا ہے۔
حکومت کوئی بھی سہولت نہیں دے رہی خاموش تماشائی بنی بیٹھی ہے اور پبلشرز بھی اپنی جگہ حق پر ہیں وہ اتنا بڑا نقصان کیسے برداشت کریں۔
