299 کلو وزنی مچھلی ماہی گیر کے ہاتھ کیا لگی، پوری دنیا میں چرچے، جانئے اس نایاب مچھلی کے بارے میں۔

ماہی گیر نے ایسی مچھلی کا شکار کیا کہ سب حیران رہ گئے ۔

 

آن لائن (اعتماد ٹی وی) کمبوڈیا کے ماہی گیر نے دریا میں معمول کے مطابق جال پھینکا جب جال کھینچا تو یہ دیکھ کر حیران رہ گیا کہ اس کے جال میں ایک عجیب سے مچھلی پھنسی ہے۔

 

 

اسٹنگرے نامی مچھلی جس کو کھیمر زبان میں بورامی کہا جاتا ہے بورامی کا مطلب ہے مکمل یا پورا چاند ۔
میکونگ دریا میں یہ مچھلی ماہی گیر کے جال میں آ پھنسی ۔

 

 

ویسے بھی یہ دریا بیشتر اقسام کی بڑی مچھلیوں کی آماجگاہ کے طور پر مشہور ہے ۔ مول ٹھون نامی ماہی گیر نے بتایا کہ جال میں پھنسی مچھلی کا وزن 299 کلوگرام ہے اور اسکی لمبائی 13 فٹ ہے ۔ اس سے پہلے تھائی لینڈ میں ایک کیٹ فش 2005 میں پکڑی گئی جس کا وزن 293 کلو گر ام تھا۔

 

میکونگ کے جاری شدہ ایک تحقیق منصوبے میں شامل سائنسدانوں نے اس مچھلی کا معائنہ کیا اور اس کو دریا میں چھوڑنے سے قبل اس مچھلی میں ٹیگ لگانے اور اس کی پیمائش اوروزن کیا۔

 

ٹیگ کے متعلق ماہرین کا کہنا ہے کہ اس میں کیمرہ نصب ہے جس کے ذریعے اس مچھلی کا دریا میں برتاؤ ، رہن سہن کے متعلق سمجھنے میں مدد ملے گی۔

 

یہ دریا چین، لاؤس، کمبوڈیا، میانمار، تھائی لینڈ اور ویتنام سے گزرتا ہے۔ مچھلی میں لگائے گئے آلے کی تفصیل آئندہ سال سامنے آئے گی۔