باپ نے اپنے بچے کے لئے محبت کی انوکھی مثال قائم کردی، سین دیکھ کر آنکھوں میں پانی آجاتا ہے۔

باپ کی بچے کے لئے محبت خود سیلابی ریلے میں پھنس گیا مگر بچے کو بچا لیا ۔

 

آن لائن (اعتماد ٹی وی) اولاد دنیا کی بہت بڑی نعمت ہے ۔ ایک شادی شدہ جوڑے کی اولین ترجیح والدین بننا ہوتی ہے جن جوڑوں کی اولاد نہ ہو وہ اس کے حصول کے لئے در در بھٹک کر دعا کرتے ہیں۔

 

اور جب اولاد دنیا میں آتی ہے تو ان کی خوشی کی کوئی انتہا نہیں ہوتی۔اولاد پر آنے والے ہر دکھ و تکلیف کو والدین اپنے اوپر لے لیتے ہیں لیکن اولاد پر آنچ نہیں آنے دیتے ۔

 

ایسا ہی ایک واقعہ بھارتی ریاست آسام میں دیکھنے میں آیا جہاں مون سون بارشوں کی وجہ سے بہت نقصان ہوا کسی کے مویشی بہہ گئے تو کسی کے مکان کی چھت گر گئی۔

 

 

وہاں کے لوگ جان بچانے کی کوششوں میں مصروف ہیں۔ اس مشکل صورتحال میں لوگ اپنی اور اپنے عزیزو اقارب کی جان بچانے کی بھرپور کوشش کر رہے ہیں۔
انھیں ویڈیو ز میں ایک ویڈیو وائرل ہوئی جس میں ایک شخص اپنے نوزائیدہ بچے کو سیلاب کے پانی سے بچانے کی کوشش کر رہا ہے ۔

 

اس نے بچے کو ایک پاٹ میں بہت حفاظت سے رکھا ہوا ہے اور بہت احتیاط سے سیلابی پانی کا مقابلہ کرتے ہوئے بچے کو ایک محفو ظ مقام پر منتقل کرنے کی کوشش کر رہا ہے۔