وینا ملک اپنے سابقہ شوہر کے خلاف عدالت میں چلی گئی، وجہ جان کر آپ بھی چونک جائینگے

جہیز کا سامان واپس نہ کرنے پر وینا ملک نے عدالت کا دروازہ کھٹکھٹا دیا ۔

 

کراچی (اعتماد ٹی وی) اداکارہ وینا ملک سوشل میڈیا پر کافی زیادہ ایکٹو ہیں اور مسلم لیگ ن پر طنزیہ ٹوئٹ کرتی نظر آتی ہیں۔ وینا ملک نے اپنے سابقہ شوہر پر کیس کیا ہے کہ انھوں نے جہیز کا سامان تاحال واپس نہیں کیا۔

 

اداکارہ وینا ملک نے کراچی کی مقامی عدالت میں درخواست دی ہے اور سابق شوہر اسد خٹک کو اس میں فریق بنا یا ہے۔ وینا ملک نے اپنی درخواست میں درج کیا ہے کہ اسد خٹک سے ان کی علیحدگی تو 26 جنوری 2017 کو ہوگئی تھی۔ لیکن جہیز کا سامان ابھی تک واپس نہیں کیا ۔

 

اداکارہ کا کہنا ہے کہ شادی پر ملنے والے تحائف جن کی مالیت 2 کروڑ روپے بنتی ہے وہ میرے دوستوں نے دئیے تھے اسد خٹک نے پہلے کہا تھا کہ وہ تمام تر جہیز مع تحائف کے واپس کر دیں گے لیکن اب کہتے ہیں کہ وہ چوری ہو گئے ہیں۔

 

 

وینا ملک کی درخواست پر اسد خٹک کے وکیل نے عدالت کو بتایاکہ اداکارہ کے خلاف پہلے ہی کاروائی کی درخواست دائر کی ہوئی ہے۔ آئندہ سماعت پر عدالت نے درخواست گزار سے شواہد طلب کئے ہیں ۔