ماں ماں ہی ہوتی ہے چاہے انسانوں میں ہو یا حیوانوں میں، ہتھنی کا اپنا بچہ بچانے کی ویڈیو وائرل ہو گئی

ہتھنی نے اپنے بچے کو بے رحم موجوں سے بچا لیا ۔

 

آن لائن (اعتماد ٹی وی) سوشل میڈیا پر لوگ لاکھوں کی تعداد میں ویڈیوز ڈالتے ہیں۔ جن میں طرح طرح کی ویڈیو زشامل ہوتی ہیں۔ کچھ جانوروں کی ، کچھ پرندوں کی ، کچھ پالتو جانوروں کی ، کچھ اپنی ہنسی مزاح کی ۔ جس کی جیسی دلچسپی ویسی ہی ویڈیوز وہ دیکھے گا۔

 

ایسے ہی جانوروں سے متعلقہ ویڈیو ز انسانوں کے دلوں میں جلدی گھر کر جاتی ہیں ا س پر جانوروں کا کچھ خاص انداز جیسے کہ ایک دوسرے کی مدد کرنا ۔ یا ایک دوسرے سے لڑنا۔ ایسی ہی ایک ویڈیو وائرل ہو رہی ہے جس میں ہاتھیوں کا ایک گروہ ایک دریائی نالے کو پار کر رہا ہے۔

 

اس دریائی نالے کو پار کرنے کے دوران اچانک سے ہتھنی کا ایک بچہ بے رحم موجوں کی لپیٹ میں آکر بہنے لگتا ہے کہ ماں فوراً بچے کے پیچھے جاتی ہے ۔

 

 

دریا میں پانی کا بہاؤ تیز ہونے کی وجہ سے ہتھنی کو اپنے بچے کو بچانے میں شیدید مشکل کا سامنا کرنا پڑتا ہے لیکن وہ ہار نہیں مانتی اور آخر کار اپنے بچے کو ان بے رحم موجوں کے چنگل سے بچا لیتی ہے اور بحفاظت کنارے تک لے جاتی ہے۔