چین کا جی سیون ممالک کے خلاف بڑی مہم چالانے کا فیصلہ

جی سیون میں شامل ممالک چھوٹے ممالک کے حقوق غضب کر نا چاہتے ہیں ۔ چین

آن لائن (اعتماد ٹی وی) غیرملکی خبر رساں ادارے کے مطابق چین نے جرمنی کے دارالحکومت برلن میں ہونے والے جی سیون ممالک کے سربراہان کے اجلاس پر بیان دیا ہے کہ جی سیون ممالک نے جو چین پر عالمی منڈی میں قابض ہونے کا الزام عائد کیا ہے اس میں کوئی حقیقت نہیں ہے۔

چین کا کہنا ہے کہ جی سیون (برطانیہ، کینیڈا، فرانس، جرمنی، اٹلی، جاپان اور امریکہ) ممالک غیر ذمہ دارانہ طور پر دنیا کو غیر منصفانہ تقسیم کرنا چاہتے ہیں۔ ترقی یافتہ ممالک کے گروپ نے غیر ذمہ دارنہ اور اخلاقیات سے عاری تقسیم پیدا کرنے کی کوششیں شروع کر دی ہیں۔

چین نے جی سیون ممالک کو آگاہ کیا ہے کہ وہ اپنی یہ روش ترک کردیں اور چھوٹے ممالک کو بھی عالمی منڈی میں پھلنے کا موقع دیں ۔ اس کے لئے چین نے باقاعدہ ایک منصوبہ تیار کیا ہے جس کا نام بیلٹ اینڈ روڈ ہے۔ اس سے قبل جی سیون ممالک نے چین پر غیر شفاف اور مارکیٹ کو مسخ کرنے کا الزام عائد کیا تھا اور چین کو اس سے باز رہنے کی ہدایت کی تھی ۔