مائیں اپنے بچوں کو فارمولا اور بازاری دودھ کیو ں پلاتی ہیں؟ جانئے اس کے نقصانات کیا ہیں ؟

مائیں اپنے بچوں کو فارمولا اور بازاری دودھ کیو ں پلاتی ہیں؟

 

لاہور (اعتماد ٹی وی) دنیا بھر میں لاکھوں بچے پیدا ہوتے ہیں اور جن کی پیدائش کے بعد کچھ مائیں تو ان کو دودھ پلاتی ہیں لیکن زیادہ تر فارمولا دودھ استعمال کرواتی ہیں۔ عالمی ادارہ صحت کے مطابق دنیا بھر میں 44 فیصد خواتین صرف 6 ماہ تک ہی بچوں کو اپنا دودھ پلاتی ہیں ۔

 

ڈاکٹروں کے مطابق شیر خوار بچے کو پیدائش کے فوراً بعد ماں بچے کو فیڈ کروائے ۔ اس سے بچہ لاتعداد بیماریوں سے محفوظ رہتا ہے اور اس کا مدافعتی نظام بھی مضبوط ہوتا ہے۔ بچوں کے لئے فارمولا دودھ کے بڑھتے استعمال نے فارمولا دودھ کی طلب بڑ ھا دی ہے جس کی وجہ سے سپلائی چین متا ثر ہو گئی ہے۔

 

بچوں کو ماں کا دودھ نہ پلانے کی وجہ ایک تو یہ ہے کہ خواتین کو آگاہی نہیں دی جاتی کہ ان کو یہ کا م کر نا ہے ۔ اگر پیدائش کے وقت کو تجربہ کار عورت موجود ہو جو کہ ماں کو اس بات سے آگاہ کرے تو یہ ماں اور بچے دونوں کے لئے مفید ہے۔ یورپ اور امریکہ میں اس حوالے سے اقدامات کئے جا رہے ہیں۔

 

دوسرا میڈیکل اداروں کی پروڈکٹ کی وجہ سے ایسا ہوتا ہے ڈاکٹر ماوؤں کو یہی کہتے ہیں کہ ا ن کا دودھ بچوں کے لئے ناکافی ہے۔ اس لئے بھی فارمولا دودھ کا استعمال زیادہ بڑھ رہا ہے اگر نومولود بچے کو پیدائش کے فوراً بعد ماں کے سینے سے لگا دیا جائے تو اس سے طلب پیدا ہوتی ہے جس سے ماں کا دودھ جلد اُترتا ہے۔

 

 

جن علاقوں میں خواتین فارمولا دودھ خریدنے کی استطاعت نہیں رکھتی وہ بچوں کو گائے بھینسوں کا دودھ استعمال کرواتی ہیں۔ بہت سے ممالک نے خواتین کے لئے سہولیات نکالی ہیں تا کہ وہ اپنے بچے کو فیڈ کرو ا سکیں۔