پٹرول کی بڑھتی قیمتوں سے تنگ آئے ڈلیوری بوائے نے انوکھا طریقہ دریافت کر لیا

پیٹرول کی قیمتوں میں اضافے کے بعد ڈیلیوری بوائے نے نیا راستہ ڈھونڈ لیا ۔

 

آن لائن (اعتماد ٹی وی) سوشل میڈیا پر ایک ویڈیو وائرل ہو رہی ہے جس میں ایک ڈیلیوری بوائے نے گھوڑے پر ڈیلیوری دی۔ ڈیلیوری بوائے کا تعلق بھارت کے شہر ممبئی سے ہے جہاں پر نجی کمپنی کے فوڈ ڈیلیوری بوائے نے بائیک پر ڈیلیوری دینے کے بجائے گھوڑۓ پر کسٹمرز کے گھر جاکر ڈیلیوری دی۔

 

مہنگائی میں اس دور میں پیٹرول کی قیمتوں میں مسلسل اضافے کے بعد سے ہر کسی کے لئے پیٹرول ڈلوانا مشکل ہو گیا ہے ۔ ویڈیو کو سوشل میڈیا پر دیکھنے کے صارفین کا کہنا ہے کہ اس ویڈیو میں مذاق والی کوئی بات نہیں ہے ۔ بلکہ معاشرے کا ایک تلخ پہلو دکھایا گیا ہے۔

 

مہنگائی کی وجہ سے کوئی بھی اپنی مشکلات سے نجات نہیں حاصل کرسکتا بلکہ غریب عوام کے لئے چھوٹی موٹی نوکری بھی چلانا مشکل ہے ۔

 

ڈیلیوری بوائے جو کہ لوگوں کو گھر وں میں کھانا دے کر اپنے گھر کا نظام چلاتے تھے اب ان کے بھی حالات ایسے ہو گئے ہیں کہ وہ دوسرے ذرائع ڈھونڈ رہے ہیں اور اپنی مشکلات حل کرنے کی کوشش کر رہے ہیں۔